ខេត្តប៉ៃលិន ៖ ប្រជាពលរដ្ឋជាច្រើននាក់មានការព្រួយបារម្ភពីសុវត្ថិភាពសិស្សានុសិស្ស ខណ:នគរបាលចាប់បានជនសង្ស័យម្នាក់បានប្រើប្រាស់ និងជួញដូរគ្រឿងញៀននៅមុខវិទ្យាល័យ ដែលជាកន្លែងសិស្សប្រុសស្រីចេញចូលទៅសាលារៀន ហើយបើសិនជាល្បួងនាំឱ្យសិស្សណាប្រើប្រាស់នោះនឹងនាំឱ្យខូចអនាគតជាក់ជាមិនខាន ។ ហេតុការណ៍នេះបានកើតឡើងកាលវេលាម៉ោង៣រសៀលថ្ងៃទី១៣ ខែមិថុនា…
ខេត្តប៉ៃលិន ៖ ប្រជាពលរដ្ឋជាច្រើននាក់មានការព្រួយបារម្ភពីសុវត្ថិភាពសិស្សានុសិស្ស ខណ:នគរបាលចាប់បានជនសង្ស័យម្នាក់បានប្រើប្រាស់ និងជួញដូរគ្រឿងញៀននៅមុខវិទ្យាល័យ ដែលជាកន្លែងសិស្សប្រុសស្រីចេញចូលទៅសាលារៀន ហើយបើសិនជាល្បួងនាំឱ្យសិស្សណាប្រើប្រាស់នោះនឹងនាំឱ្យខូចអនាគតជាក់ជាមិនខាន ។ ហេតុការណ៍នេះបានកើតឡើងកាលវេលាម៉ោង៣រសៀលថ្ងៃទី១៣ ខែមិថុនា ឆ្នាំ២០១៨ ស្ថិតនៅមុខវិទ្យាល័យមួយកន្លែង ក្នុងភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន ។
ប្រភពព័ត៌មានបានឱ្យដឹងថា ជនសង្ស័យឈ្មោះ ចាន់ សាន ហៅប្រុស ភេទប្រុស អាយុ៣២ឆ្នាំ មុខរបរធ្វើចំការ រស់ភូមិអូរច្រាកើត សង្កាត់ទួលល្វា ក្រុងប៉ៃលិន ក្នុងការឃាត់ខ្លួនជនសង្ស័យម្នាក់នេះ សមត្ថកិច្ចដកហូតបានវត្ថុតាងរួមមាន ម្សៅក្រាមពណ៌សថ្លា (ម៉ាទឹកកកICE) ចំនួន៥កញ្ចប់ ឧបករណ៍សំរាប់ជក់ និងវេចខ្ចប់ មានថង់ ដែកកេះ ។
ប្រជាពលរដ្ឋបានឱ្យដឹងថា រហូតមកដល់ពេលនេះ ពួកគាត់ម្នាក់ៗ មានការព្រួយចិត្ត ក្រែងកូនៗរបស់ពួកគាត់ទៅរៀន តែបែរជាគេចសាលាទៅប្រើប្រាស់គ្រឿងញៀន នោះនឹងនាំឱ្យមានវិប្បដិសារីដល់ខ្លួនឯង និងក្រុមគ្រួសារជាក់ជាមិនខាន ។ ម្យ៉ាងវិញទៀត ពួកគាត់ពិតជាសប្បាយចិត្តដោយឃើញនគរបាលបានចុះទៅចាប់ឃាត់ខ្លួនជនសង្ស័យគ្រឿងញៀនទាំងនោះ បើបណ្តែតបណ្តោយបន្តទៅទៀតនឹងមានក្មេងៗជាសិស្សមួយចំនួនសេពគ្រឿងញៀនតាមការលួងលោមរបស់ជនសង្ស័យជាក់ជាមិនខាន ។
ពាក់ព័ន្ធទៅនឹងបញ្ហានេះ ក្រោយពីនាំខ្លួនជនសង្ស័យទៅកាន់ស្នងការដ្ឋាននគរបាលខេត្តប៉ៃលិន ការិយា
ល័យជំនាញកំពុងធ្វើការសាកសួរ ដើម្បីកសាងសុំណុំរឿងបញ្ជូនទៅតុលាការ ឱ្យចាត់ការតាមនិតីវិធីច្បាប់ ៕
ចែករំលែកព័តមាននេះ