អាមេរិកបន្ទោសពីការបរាជ័យក្នុងកិច្ចប្រជុំ G7
ទីក្រុងវ៉ាស៊ីនតោន ៖ កាលពីថ្ងៃទី១០ មិថុនា សហរដ្ឋអាមេរិកបានបន្ទោសថា ប្រទេសកាណាដាធ្វើឲ្យមានការបរាជ័យក្នុងកិច្ចប្រជុំ G7 ហើយនិយាយថា លោកនាយករដ្ឋមន្ត្រីកាណាដា Justin…
ទីក្រុងវ៉ាស៊ីនតោន ៖ កាលពីថ្ងៃទី១០ មិថុនា សហរដ្ឋអាមេរិកបានបន្ទោសថា ប្រទេសកាណាដាធ្វើឲ្យមានការបរាជ័យក្នុងកិច្ចប្រជុំ G7 ហើយនិយាយថា លោកនាយករដ្ឋមន្ត្រីកាណាដា Justin…
ទីក្រុងវ៉ាស៊ីនតោន ៖ កាលពីថ្ងៃទី១០ មិថុនា សហរដ្ឋអាមេរិកបានបន្ទោសថា ប្រទេសកាណាដាធ្វើឲ្យមានការបរាជ័យក្នុងកិច្ចប្រជុំ G7 ហើយនិយាយថា លោកនាយករដ្ឋមន្ត្រីកាណាដា Justin Trudeau ក្បត់នឹងអាមេរិក ។
គ្រាន់តែប៉ុន្មាននាទីក្រោយបន្ទាប់ពីសេចក្តីថ្លែងការណ៍រួមរបស់ G7 បានចេញកាលពីថ្ងៃសៅរ៍កន្លងមក នៅខេត្ត Quebec របស់ប្រទេសកាណាដា លោកប្រធានាធិបតីអាមេរិក ដូណាល់ ត្រាំ បានសរសេរនៅលើ Twitter របស់លោក ដោយរិះគន់លោកនាយករដ្ឋមន្ត្រីកាណាដា Trudeau និងប្រាប់ថា លោកបានបញ្ជាឲ្យអ្នកតំណាងអាមេរិកមិនគាំទ្រសេចក្តីថ្លែងការណ៍រួមនេះ ។ លោក Larry Kudlow ទីប្រឹក្សាផ្នែកសេដ្ឋកិច្ចជាន់ខ្ពស់របស់សហរដ្ឋអាមេរិក បាននិយាយប្រាប់សារព័ត៌មាន CNN ថា លោក Trudeau ពិតជាក្បត់នឹងពួកយើងមែន ។
លោកត្រាំ បានសរសេរនៅលើ Twitter ថា ៖« ការដែលប្រទេសកាណាដាដាក់ពន្ធយ៉ាងខ្ពស់លើកសិករ ពលករ និងក្រុមហ៊ុនរបស់អាមេរិក ខ្ញុំបានបញ្ជាអ្នកតំណាងអាមេរិកមិនឲ្យគាំទ្រសេចក្តីថ្លែងការណ៍រួមនេះ ព្រោះពួកយើងចង់ដាក់ពន្ធលើយានយន្ត ដែលកំពុងហូរចូលមកក្នុងទីផ្សារអាមេរិក » ។
លោក Trudeau បានប្រាប់សារព័ត៌មានថា ការសម្រេចចិត្តរបស់លោកប្រធានាធិបតីអាមេរិក ដូណាល់ ត្រាំ ដែលយកសន្តិសុខជាតិមកធ្វើជាមូលហេតុដាក់ពន្ធលើដែកថែប និងអាលុយមីញ៉ូមនាំចូល គឺជាការប្រមាថលើអតីតយុទ្ធជនកាណាដា ដែលបានគាំទ្រសម្ព័ន្ធមិត្តអាមេរិកនៅក្នុងជម្លោះតាំងពីសង្គ្រាមលោកលើកទី១ មកម្ល៉េះ ។ លោក Trudeau បានប្រាប់លោកត្រាំ ថា ៖«វាជាការសោកស្តាយមួយ ប៉ុន្តែពួកយើងច្បាស់លាស់ និងម៉ឺងម៉ាត់ថា នឹងចេញវិធានការឆ្លើយតបនៅថ្ងៃទី១ ខែកក្កដា ខាងមុខនេះ ដោយដាក់ពន្ធឲ្យស្មើនឹងពន្ធរបស់អាមេរិក ដែលបានដាក់មកលើពួកយើងដោយមិនយុត្តិធម៌ » ៕
ចែករំលែកព័តមាននេះ