ខេត្តព្រៃវែង ៖ បើយោងតាមមន្ត្រីរដ្ឋបាលជលផលខេត្តព្រៃវែងបានបង្ហាញថា សមត្ថកិច្ចបានចុះបំផ្លាញស្បៃមុង លូស្បៃមុងដែលជនខិលខូចលួចដាក់ ដើម្បីចាប់កូនត្រីទើបតែញាស់ដំបូង បន្ទាប់ពីមានភ្លៀងធ្លាក់ដើមរដូវវស្សា ។
សមត្ថកិច្ចបន្តថា សកម្មភាពទប់ស្កាត់ និងបង្ក្រាបបទល្មើសជលផលនៅស្រុកបាភ្នំ និងស្រុកពោធិ៍រៀងគឺបន្ទាប់ពីមានភ្លៀងធ្លាក់ជាច្រើនមេរួចមកមានឧបករណ៍ស្បៃមុងជាច្រើនបានដាក់នៅក្នុងបឹងធម្មជាតិ ដើម្បីចាប់កូនត្រីដែលទើបតែញាស់ ។ ដោយសមត្ថកិច្ចជលផលព្រៃវែងបានប្រញាប់ចុះទប់ស្កាត់បានទាន់ពេលវេលាជាប្រចាំបើទោះជាមិនអាចបើកកាណូតចូលបឹងបានក៏ដោយ គឺមានមធ្យោបាយជួលរថយន្តដឹកកាណូតចុះបឹង ។
សមត្ថកិច្ចបន្តថា បន្ទាប់ពីកាប់បំផ្លាញឧបករណ៍ជនខិលខូចដាក់មានកូនត្រីរ៉ស់ និងត្រីច្រើនម៉ឺនក្បាលត្រូវបានលែងទៅក្នុងធម្មជាតិវិញ ។
ទោះបីជាយ៉ាងណាសមត្ថកិច្ចបានបញ្ជាក់ថា ពួកគាត់ និងបន្តចុះបង្ក្រាបបន្តទៅទៀតដែលមិនទុកឲ្យជនឆ្លៀតឱកាសអាចបន្តសកម្មភាពទៀតនោះទេ ៕
ចែករំលែកព័តមាននេះ