រាជធានីភ្នំពេញ ៖ សេចក្តីរាយការណ៍បន្តនាព្រឹកថ្ងៃទី១១ មិថុនា នេះថា ករណីស្ត្រីជនជាតិវៀតណាមវ័យក្មេងម្នាក់ ដែលបានលោតធ្វើអត្តឃាតពីជាន់ទី២៩ស្លាប់ចោលប្តី និងកូនប្រុសតូចៗ២នាក់ត្រូវគេដឹងថា គឺដោយសារតែមានវិបត្តិក្នុងគ្រួសារធ្ងន់ធ្ងរ ទើបនាងសម្រេចចិត្តធ្វើអត្តឃាត…
រាជធានីភ្នំពេញ ៖ សេចក្តីរាយការណ៍បន្តនាព្រឹកថ្ងៃទី១១ មិថុនា នេះថា ករណីស្ត្រីជនជាតិវៀតណាមវ័យក្មេងម្នាក់ ដែលបានលោតធ្វើអត្តឃាតពីជាន់ទី២៩ស្លាប់ចោលប្តី និងកូនប្រុសតូចៗ២នាក់ត្រូវគេដឹងថា គឺដោយសារតែមានវិបត្តិក្នុងគ្រួសារធ្ងន់ធ្ងរ ទើបនាងសម្រេចចិត្តធ្វើអត្តឃាត ។ ហេតុការណ៍នេះ បង្កការភ្ញាក់ផ្អើល កាលពីវេលាម៉ោង០៧ និង២០នាទីយប់ថ្ងៃទី១០ មិថុនា ស្ថិតនៅចំណុចអគារខុនដូរ «DE CASTLE Royal» មានទីតាំងលេខ៣៦ ផ្លូវលេខ២៩៤ ក្នុងសង្កាត់បឹងកេងកង១ ខណ្ឌចំការមន បណ្តាលឱ្យបែកក្បាលស្លាប់យ៉ាងអណោចអធ័ម ។
សេចក្តីរាយការណ៍បន្តថា នារីរងគ្រោះឈ្មោះ ង្វៀង ធីជុក ជនជាតិវៀតណាម អាយុ២៧ឆ្នាំ មានស្រុកកំណើត នៅក្នុខេត្តអាងយ៉ាង ប្រទេសវៀតណាម កាន់លិខិតឆ្លងដែនលេខ C៤៦៣៩៥៣៨ មានប្តីឈ្មោះ PHUA GEK SENG ជនជាតិសាំងហ្គាពួរ កាន់លិខិតឆ្លងដែនលេខ E២៨៣៩៥៦៨ និងមានកូនប្រុសអាយុ១០ឆ្នាំម្នាក់ និងកូនប្រុសម្នកា់ទៀតទើបតែមានអាយុ ៩ខែ(ពីរនាក់) ស្នាក់នៅបន្ទប់លេខ ២៩០៧ ជាន់ទី ២៩ ក្នុងអគារខុនដូរកើតហេតុខាងលើ រួមទាំងម្តាយ មីង និងប្អូនប្រុសម្នាក់ទៀតផងដែរ ។
នៅមុនពេលកើតហេតុ វេលម៉ោង៥ល្ងាចថ្ងៃដដែល ស្ត្រីជាម្តាយ ប្អូនប្រុសម្នាក់ ចេញទៅខាងក្រៅបាត់ ដោយនៅតែស្ត្រីជាម្តាយមីងម្នាក់ និងកូនប្រុសតូចៗរបស់នាងទាំង២នាក់នៅផ្ទះនោះ។ តាមប្រភពដដែលបានប្រាប់បន្តថា លុះដល់ម៉ោងប្រមាណ៦ល្ងាច ក៏បានបាត់នាងពីផ្ទះដោយមិនមានអ្នកណាម្នាក់បានដឹងថា នាងបាត់ទៅទីណាឡើយ ។ លុះដល់វេលាម៉ោង៧ និង២០នាទីយប់ដដែល ទើបមានការភ្ញាក់ផ្អើលឆោឡោថា មានមនុស្សធ្លាក់ពីលើអគារស្លាប់ ទើបបង្កលការភ្ញាក់ផ្អើលនាំគ្នាទៅចោមរោមមើល និងក្រុមគ្រួសាររបស់នាងទៅមើល ទើបបានដឹងថា ពិតជានាង ហើយម្ចាស់ទីតាំង ក៏បានរាយការណ៍ប្រាប់កម្លាំងមានសម្ថកិច្ចមូល ដ្ឋានឱ្យដឹងពីរឿងនេះ។
បើតាមម្តាយបានរៀបរាប់ថា កាលពីពេលកន្លងមកនេះ កូនស្រីគាត់ និងប្តីគេ និងកូនប្រុសតូចៗទាំង ២នាក់ រួមទាំងរូបគាត់ កូនប្រុសរបស់គាត់ និង ស្ត្រីជាម្តាយមីងម្នាក់ទៀត បាននាំគ្នាមកជួលបន្ទប់ខាងលើស្នាក់
នៅរួមគ្នា ។ ក្នុងអំឡុងពេលដែលពួកគាត់ស្នាក់នៅក្នុងអគារខុនដូរខាងលើ កូនស្រីគាត់តែងតែត្អូញត្អែរថា «នាងមានការកំបាកផ្លូវចិត្តយ៉ាងខ្លាំង» ។ នៅថ្ងៃទី០៦ មិថុនា នោះ ប្តីរបស់នាងចេញទៅក្រៅប្រទេសបាត់។ក្រោយប្តីចេញទៅក្រៅបាត់ បានរយៈពេល៣ថ្ងៃនោះ នៅវេលម៉ោង១០ និង៤០នាទីយប់ថ្ងៃទី៩ មិថុនា នាងបានឡើងទៅអង្គុយលើមាត់បង្អួច បម្រុងលោតសម្លាប់ខ្លួនម្តងរួចមកហើយ តែត្រូវបានពួកគាត់ឃើញទាន់លួងលោម ដោយប្រាប់ថា «កូននៅតូចៗណាស់» ទើបនាងព្រមចុះ និងចូលទៅដេកក្នុងបន្ទប់វិញវិញ។លុះដល់មុនពេលកើតហេតុ ខណៈម្តាយ និងកូនប្រុសគាត់ម្នាក់ទៀតមិននៅផ្ទះចេញទៅខាងក្រៅបាត់ ទើបនាងឆ្លៀតពេលលោតសម្លាប់ខ្លួនបាននៅពេលនេះតែម្តងទៅ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ