ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា សាកសពបុរសជនជាតិថៃម្នាក់ មិនដឹងថាស្លាប់តាំងពីពេលណា ត្រូវម្ចាស់បន្ទប់ជួលទើបដឹងនិងបង្កការភ្ញាក់ផ្អើល កាលពីយប់ថ្ងៃទី១០ មិថុនា ស្ថិតក្នុងបន្ទប់ជួលមួយ ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ។
សេចក្តីរាយការណ៍បន្តថា សពជនរងគ្រោះត្រូវបានស្គាល់ឈ្មោះ pheng pratkosin អាយុ៥៩ឆ្នាំ មានទីលំនៅខេត្តសាមុទ្រប្រាកាន ប្រទេសថៃ ។ បើតាមម្ចាស់បន្ទប់ជួលបានប្រាប់ឱ្យដឹងថា ជនរងគ្រោះបានមកស្នាក់នៅបន្ទប់ជួលរបស់គាត់១០ឆ្នាំមកហើយ គឺមកលេងល្បែងតាមកាស៊ីណូ ។ ម្ចាស់បន្ទប់ជួលបន្តថា បានបាត់ជនរងគ្រោះមិនឃើញចេញ-ចូល៣ថ្ងៃមកហើយ ។ ដំបូងក៏ពុំមានអ្នកណាដឹងថា ជនរងគ្រោះស្លាប់ដែរ ប៉ុន្តែចេះមានក្លិនស្អុយភាយៗចេញមកក្រៅបន្ទប់ ។ គ្រប់គ្នាគិតថា ប្រហែលជាក្លិនកណ្តុរងាប់ទើបស្អុយ លុះក្លិនស្អុយនោះ កើតមានកាន់តែខ្លាំងឡើងៗ ទើបសង្ស័យហើយពេលទៅមើលបន្ទប់ជនរងគ្រោះ ទើបដឹងថាស្លាប់តែម្តង ។
ការស្លាប់នេះ គេមិនទាន់ដឹងពីមូលហេតុនៅឡើយទេ ។ ពេលនេះ សមត្ថកិច្ចជំនាញពាក់ព័ន្ធកំពុងចុះដល់ចំណុចកើតហេតុ ដើម្បីពិនិត្យសាកសព តែពិបាកពិនិត្យបន្តិច ព្រោះតែក្លិនស្អុយអាសោចន៍រហូតដល់សមត្ថកិច្ចបានប្រើគ្រឿងក្រអូប និងកង្ហាផង ដើម្បីបំបាត់ក្លិន ។
គួររំលឹកដែរថា ករណីមនុស្សស្លាប់នៅតាមផ្ទះសំណាក់ ឬតាមសណ្ឋាគារ មួយរយៈចុងក្រោយនេះ ជនរងគ្រោះស្អុយរលួយទើបដឹង ហើយបញ្ហានេះត្រូវបានមជ្ឈដ្ឋានជាច្រើនរិះគន់ថា ដោយសារតែម្ចាស់ផ្ទះសំណាក់ ឬសណ្ឋាគារ ខ្វះការប្រុងប្រយ័ត្ន មានន័យថា ពេលបាត់អ្នកស្នាក់នៅ មិនបានឆែកឆេរឱ្យបានទាន់ពេល ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ