ខេត្តប៉ៃលិន ៖ តាមសេចក្តីរាយការណ៍ឱ្យដឹងថា បុរសជាកូនបង្កើតចិត្តតិរច្ឆានម្នាក់ បន្ទាប់ពីប្រើប្រាស់គ្រឿងញៀន ហើយឈ្លោះទាស់ទែងលែងលះគ្នាជាមួយប្របន្ធ រហូតដល់នគរបាលចាប់បញ្ជូនទៅដាក់គុក លុះចេញពីពន្ធនាគារវិញ ស្រាប់តែទៅសុំកូនរបស់ខ្លួនដែលម្តាយយកទៅចិញ្ចឹម ដើម្បីយកមករស់នៅជាមួយខ្លួនវិញ…
ខេត្តប៉ៃលិន ៖ តាមសេចក្តីរាយការណ៍ឱ្យដឹងថា បុរសជាកូនបង្កើតចិត្តតិរច្ឆានម្នាក់ បន្ទាប់ពីប្រើប្រាស់គ្រឿងញៀន ហើយឈ្លោះទាស់ទែងលែងលះគ្នាជាមួយប្របន្ធ រហូតដល់នគរបាលចាប់បញ្ជូនទៅដាក់គុក លុះចេញពីពន្ធនាគារវិញ ស្រាប់តែទៅសុំកូនរបស់ខ្លួនដែលម្តាយយកទៅចិញ្ចឹម ដើម្បីយកមករស់នៅជាមួយខ្លួនវិញ តែម្តាយមិនព្រមឱ្យ ព្រោះគាត់បារម្ភក្រែងចៅគ្មានអនាគត ស្រាប់តែជនសង្ស័យខឹងទាញយកពូថៅកាប់ប្រហារទៅលើម្តាយ បណ្តាលឱ្យចំក្បាលផុងលលាដ៏ស្លាប់ភ្លាមៗនៅនឹងកន្លែង ។ ចំណែកបងប្អូនដែលចូលទៅជួយ ត្រូវបានជនសង្ស័យកាប់ប្រហារ បណ្តាលឱ្យរងរបួសជាច្រើននាក់ទៀតផងដែរ ។ ភ្លាមៗនោះកំលាំងសមត្ថកិច្ចនគរបាលបានឃាត់ខ្លួនជនសង្ស័យខាងលើយកទៅរក្សាទុកនៅអធិការនគរបាលស្រុកសាលាក្រៅ ។
ហេតុការណ៍ដ៍គួរឲ្យរន្ធត់នេះបានកើតឡើងកាលពីវេលាម៉ោង៦និង១០នាទីព្រឹកថ្ងៃទី១០ ខែមិថុនា ឆ្នាំ២០១៨នេះ ស្ថិតនៅចំណុចភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានពីលោក រី ដារ៉ា អធិការរងស្រុកសាលាក្រៅ បានឲ្យដឹងថា ជនសង្ស័យ ឈ្មោះ ធុង នាង ភេទប្រុស អាយុ៣១ឆ្នាំ ជាអតីតទណ្ឌិតផ្នែកគ្រឿងញៀន រស់ភូមិឃុំកើតខាងលើ ។ ចំណែកជនរងគ្រោះទាំង៣នាក់រួមមាន ១-ឈ្មោះ សុខ ស្រីម ភេទស្រី អាយុ៥៥ឆ្នាំ (ជាម្តាយបង្កើតរបស់ជនសង្ស័យ) ត្រូវបានជនសង្ស័យកាប់នឹងពូថៅ បណ្តាលឱ្យស្លាប់នៅនឹងកន្លែងហេតុ ២-ឈ្មោះ ធុង ថូ ភេទប្រុស អាយុ២២ឆ្នាំ (ជាប្អូនបង្កើតជនសង្ស័យ) រងរបួសក្បាលផ្នែកខាងមុខធ្ងន់ធ្ងរ និង៣-ឈ្មោះ ធុង សារី ភេទស្រី អាយុ២០ឆ្នាំ
(ជាប្អូនបង្កើតជនសង្ស័យ) រងរបួសក្បាលផ្នែកខាងក្រោយធ្ងន់ធ្ងរ ។
លោក រី ដារ៉ា បានបន្តទៀតថា ជនសង្ស័យខាងលើ បានជាប់ពន្ធនាគារអស់រយៈពេលជាច្រើនឆ្នាំកន្លងមកហើយពាក់ព័ន្ធនឹងករណីប្រើប្រាស់គ្រឿងញៀន ហើយក៏បានឈ្លោះទាស់ទែងគ្នាជាមួយប្រពន្ធរហូតដល់លែងលះចែកកូនគ្នា ។ ពេលនោះប្រពន្ធក៏ទៅធ្វើការនៅប្រទេសថៃ លុះឃើញអត់មានអ្នកមើលថែចៅក៏យកទៅចិញ្ចឹម លុះកូនរបស់គាត់ចេញពីគុកវិញ ក៏ទៅរំអុកសុំកូនមករស់នៅជាមួយខ្លួន ។ តែម្តាយឃើញជនសង្ស័យនៅមានការប្រើប្រាស់គ្រឿងញៀនបន្តទៀត មិនព្រមឱ្យ ក៏កើតទៅជាទំនាស់ទាស់ទែងគ្នាជាពាក្យ
សម្តី ស្រាប់តែជនសង្ស័យជាកូនប្រុសទាញពូថៅកាប់ទៅលើម្តាយចំក្បាល បណ្តាលឱ្យស្លាប់ភ្លាមៗតែម្តង លុះបងប្អូនចូលទៅជួយ ជនសង្ស័យនេះបានកាប់ប្រហារបណ្តាលឱ្យរងរបួសធ្ងន់ជាច្រើននាក់ ហើយជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។
បច្ចុប្បន្ន ជនសង្ស័យត្រូវបាននគរបាលចាប់ឃាត់ខ្លួននៅអធិការនគរបាលស្រុកសាលាក្រៅ រង់ចាំបញ្ជូនទៅតុលាការ ឱ្យចាត់ការតាមផ្លូវច្បាប់ ៕
ចែករំលែកព័តមាននេះ