ខេត្តបន្ទាយមានជ័យ ៖ បុរសជនជាតិវៀតណាម្នាក់ ត្រូវបានប្រទះដេកស្លាប់ក្នុងបន្ទប់ ដែលសង្ស័យពុល
ថ្នាំឱសថបូរាណប្រើប្រាស់លើសកំណត់ ដែលហេតុការណ៍នេះកើតឡើងកាលពីវេលាម៉ោង៤រសៀលថ្ងៃទី០៨ មិថុនា ២០១៨ នៅក្បែរបេនឡានក្រុងក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
ជនរងគ្រោះខាងលើ មានឈ្មោះត្រឿង វ៉ាន់សុន Truong van son ភេទប្រុស អាយុ៤៥ឆ្នាំ មានរបរ លក់ថ្នាំសំលាប់សត្វល្អិត កាន់លិខិតឆ្លងដែនលេខ C0779093 រស់នៅខេត្តអាងយ៉ាង ប្រទេសវៀត
ណាម ។
តាមសាក្សីបញ្ជាក់ប្រាប់សមត្តកិច្ចថា នៅមុនថ្ងៃកើតហេតុ ជនរងគ្រោះបានទៅជួលបន្ទប់លេខ០០៤ ស្នាក់នៅម៉ោង៤ និង១០នាទីរសៀលថ្ងៃទី០៧ មិថុនា ២០១៨ រហូតដល់ម៉ោង១២ព្រឹកថ្ងៃទី០៨ មិថុនា មេការម្ចាស់ផ្ទះសំណាក់ បានទៅគោះទ្វារ ដើម្បីរៀបចំបន្ទប់ តែអ្នកស្នាក់នៅមិនបើកទ្វារទេ ។ មេការក៏ចុះដើរចេញទៅវិញ លុះម៉ោង៤រសៀល មេការផ្ទះសំណាក់បានឡើងទៅគោះទ្វារបន្ទប់ម្តងទៀត តែជាប់គន្លឹះទ្វារខាងក្នុង ដោយមានការសង្ស័យមេការផ្ទះសំណាក់ បានសម្រេចចិត្តគាស់ទ្វារបន្ទប់ ក៏ឃើញគាត់ដេកស្លាប់មិនដឹងតាំងពីពេលណាមក ។
ក្រោយកើតហេតុ សមត្ថកិច្ចគ្រប់ជំនាញ បានចុះទៅពិនិត្យសាកសព និងបានធ្វើការសន្និដ្ឋានថា ជនរងគ្រោះអាចប្រើប្រាស់ថ្នាំបញ្ចុះជាតិស្ករច្រើនលើសកំណត់ បូកនិងថ្នាំពេទ្យផងដែរ ។
ចែករំលែកព័តមាននេះ