ខេត្តបន្ទាយមានជ័យ ៖ បុរសម្នាក់ទើបចេញពីធ្វើការកាស៊ីណូត្រូវជនសង្ស័យ2នាក់ជិះម៉ូតូពីក្រោយកាប់របួសធ្ងន់ដោយមិនដឹងមូលហេតុ បង្កភ្ញាក់ផ្អើលក្បែរចំណុចរង្វង់មូលច្រកទ្វារអន្តរជាតិប៉ោយប៉ែត កាលពីម៉ោង8យប់ ថ្ងៃទី8 មិថុនា ។ ជនរងគ្រោះឈ្មោះ ហុង…
ខេត្តបន្ទាយមានជ័យ ៖ បុរសម្នាក់ទើបចេញពីធ្វើការកាស៊ីណូត្រូវជនសង្ស័យ2នាក់ជិះម៉ូតូពីក្រោយកាប់របួសធ្ងន់ដោយមិនដឹងមូលហេតុ បង្កភ្ញាក់ផ្អើលក្បែរចំណុចរង្វង់មូលច្រកទ្វារអន្តរជាតិប៉ោយប៉ែត កាលពីម៉ោង8យប់ ថ្ងៃទី8 មិថុនា ។
ជនរងគ្រោះឈ្មោះ ហុង សុថៃ ភេទប្រុស អាយុ21ឆ្នាំ ជាបុគ្គលិកកាស៊ីណូ និងមានទីលំនៅភូមិប្រជាធម្ម សង្កាត់ផ្សារកណ្តាល ក្រុងប៉ោយប៉ែត ។ ជនរងគ្រោះត្រូវជនសង្ស័យ2នាក់មិនស្គាល់អត្តសញ្ញាណជិះម៉ូតូស្របទិសមកពីទិសខាងលិចលួចកាប់ពីក្រោយនឹងកាំបិតសាម៉ូរ៉ៃបណ្តាលឲ្យចំក្បាលរបួសធ្ងន់ដេរ១១ថ្នេរ ។
ប្រភពពីកន្លែងកើតហេតុនិយាយថា ដំបូងគេឃើញជនរងគ្រោះជិះម៉ូតូម៉ាកសង់សេ125 ពណ៌ខ្មៅ ពាក់ស្លាកលេខ បាត់ដំបង1X-5932 មកពីទិសខាងលិចលុះដល់ចំណុចកើតហេតុស្រាប់តែឃើញម៉ូតូម៉ាកសង់សេ125មិនស្គាល់ស៊េរីមានគ្នា2នាក់ជិះស្របទិសមកពីក្រោយកាប់ជនរងគ្រោះបណ្តាលឲ្យរបួស និងដួលម៉ូតូបង្ករភ្ញាក់ផ្អើលតែម្តង ។
ក្រោយបង្កជនដៃដល់បានបើកម៉ូតូគេចទៅទិសខាងកើតបាត់ស្រមោល ខណៈជនរងគ្រោះត្រូវគេដឹកបញ្ជូនទៅមន្ទីរពេទ្យបង្អែកក្រុងប៉ោយប៉ែត ។ ចំណែកម៉ូតូជនរងគ្រោះត្រូវបានសមត្ថកិច្ចយកទៅរក្សាទុកបណ្តោះអាសន្ន ។ យោងតាមការសួរនាំនៅព្រឹកថ្ងៃទី9 មិថុនា នេះជនរងគ្រោះប្រាប់ថា ខ្លួនមិនដែលមានទំនាស់ជាមួយនណាម្នាក់ឡើយ ។
លោកវរសេនីយ៌ឯក ធិន ស៊ិនដេត អធិការនគរបាលក្រុងប៉ោយប៉ែតប្រាប់តាមទូរស័ព្ទថា ករណីខាងលើពិតជាកើតមានមែនហើយពេលនេះសមត្ថកិច្ចកំពុងស្រាវជ្រៀវរកមុខសញ្ញាជនសង្ស័យដើម្បីយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ