ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា កាលពីវេលាម៉ោង០១រំលងអធ្រាត្រឈានចូលថ្ងៃទី០៩ មិថុនា ស្ថិតលើផ្លូវបេតុងក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ដោយបានប្រទះឃើញស្រីស្អាតស្លៀកពាក់ខើចម្នាក់ ដេកសន្លប់ស្តូកស្តឹងនៅជិតម៉ូតូម៉ាស្គូមួយគ្រឿង…
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា កាលពីវេលាម៉ោង០១រំលងអធ្រាត្រឈានចូលថ្ងៃទី០៩ មិថុនា ស្ថិតលើផ្លូវបេតុងក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ដោយបានប្រទះឃើញស្រីស្អាតស្លៀកពាក់ខើចម្នាក់ ដេកសន្លប់ស្តូកស្តឹងនៅជិតម៉ូតូម៉ាស្គូមួយគ្រឿង ដោយគេសង្ស័យថា អាចនាងជិះម៉ូតូដួល ។
សេចក្តីរាយការណ៍បន្តថា ទោះជាយ៉ាងណា គេមិនបានស្គាល់អត្តសញ្ញាណនាងនោះទេ ។ ហើយចាត់ទុកថា នាងសំណាងល្អ ដែលបានប៉ះចំសុទ្ធតែមនុស្សចិត្តធម៌ ដោយនាំគ្នានៅមើលថែ និងរាយការណ៍ជូនសមត្ថកិច្ចឱ្យរករថយន្តសង្គ្រោះដឹកទៅមន្ទីរពេទ្យ ។
ស្ថិតនៅកន្លែងកើតហេតុ គេឃើញនាងសន្លប់ស្តូកស្តឹង និងមានឈាមហូរចេញតាមត្រចៀកទៀតផង ។ ក្រោយមក នារីរងគ្រោះត្រូវបាននគរបាលជំនាញផ្នែកចរាចរណ៍នៃអធិការដ្ឋាននគរបាលក្រុងប៉ោយប៉ែត បានហៅរថយន្តសង្គ្រោះរបស់អង្គការកាម៉ា ដឹកទៅមន្ទីរពេទ្យបង្អែកក្រុងប៉ោយប៉ែត។
នេះចាត់ទុកថា ជាសំណាងរបស់នារីស្រស់ស្អាតរូបនេះ ដោយនាងបានជួបមនុស្សល្អជួយធុរៈនាង តែប៉ះចំជនឆ្លៀតឱកាសវិញ មិនដឹងទៅជាយ៉ាងណា រួមទាំងរូបនាងផ្ទាល់ ទាំងទូរស័ព្ទដៃ និងម៉ូតូទំនើបនេះ ហើយកើតហេតុនៅកន្លែងដែលស្ងាត់ទៀតផង ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ