ខេត្តបន្ទាយមានជ័យ ៖ បុរសម្នាក់ទើបចេញពីធ្វើការនៅកាស៊ីណូត្រូវជនសង្ស័យ២នាក់ជិះម៉ូតូពីក្រោយ កាប់របួសធ្ងន់បង្កការភ្ញាក់ផ្អើលក្បែរចំណុចរង្វង់មូលច្រកទ្វារអន្តរជាតិប៉ោយប៉ែតដោយមិនទាន់ដឹងពីមូលហេតុ កាលពីម៉ោងជាង៨យប់ ថ្ងៃទី៨ មិថុនា ២០១៨នេះ។
ជនរងគ្រោះគេមិនទាន់ស្គាល់អត្តសញ្ញាណ នៅឡើយទេ ប៉ុន្តែអ្នកឃើញហេតុការណ៍និយាយថា ជាបុគ្គលិកកាស៊ីណូ ហើយបានបើកបរម៉ូតូមកពីទិស ខាងលិចត្រូវជនសង្ស័យ២នាក់ជិះម៉ូតូ១គ្រឿងស្របទិសមកពីក្រោយកាប់នឹងកាំបិតសាំម៉ូរ៉ៃបណ្តាលឲ្យរបួសធ្ងន់ចំក្បាល និងដួលម៉ូតូបង្កការភ្ញាក់ផ្អើលពេញដងផ្លូវតែម្តង។
ជនរងគ្រោះក្រោយបង្កហេតុ បើកម៉ូតូទៅទិសខាងកើតគេចបាត់ ខណៈជនរងគ្រោះត្រូវគេបញ្ជូនទៅមន្ទីរពេទ្យ។ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានប្រាប់តាមទូរស័ព្ទករណីខាងលើ ពិតជាកើតមានមែន ហើយពេលនេះសមត្ថកិច្ចកំពុងស្រាវជ្រាវរកមុខសញ្ញាជនសង្ស័យ៕
ចែករំលែកព័តមាននេះ