រាជធានីភ្នំពេញ ៖ សំណង់វិឡាតឿមួយកន្លែងដែលសងរំលោភលើគម្រោងអភិវឌ្ឍផ្លូវ១០០ម៉ែត្រពីអក្សរផ្លូវជាតិលេខ៦ និងអត់ច្បាប់ត្រូវបានអាជ្ញាធរខណ្ឌជ្រោយចង្វារប្រើវិធានការណ៍រដ្ឋាបាលចុះឃាត់ និងចាប់យកសម្ភារ បន្ទាប់ពីជួនដំណឹងជាច្រើនលើកមិនស្តាប់តាមការណែនាំ ។ ការបើវិធានការរដ្ឋបាលនេះធ្វើឡើងនៅវេលាម៉ោងប្រមាណ១០ព្រឹកថ្ងៃទី៨ ខែមិថុនា ឆ្នាំ២០១៨…
រាជធានីភ្នំពេញ ៖ សំណង់វិឡាតឿមួយកន្លែងដែលសងរំលោភលើគម្រោងអភិវឌ្ឍផ្លូវ១០០ម៉ែត្រពីអក្សរផ្លូវជាតិលេខ៦ និងអត់ច្បាប់ត្រូវបានអាជ្ញាធរខណ្ឌជ្រោយចង្វារប្រើវិធានការណ៍រដ្ឋាបាលចុះឃាត់ និងចាប់យកសម្ភារ បន្ទាប់ពីជួនដំណឹងជាច្រើនលើកមិនស្តាប់តាមការណែនាំ ។ ការបើវិធានការរដ្ឋបាលនេះធ្វើឡើងនៅវេលាម៉ោងប្រមាណ១០ព្រឹកថ្ងៃទី៨ ខែមិថុនា ឆ្នាំ២០១៨ នៅចំណុចសំណង់អត់ច្បាប់នោះ ស្ថិតនៅតាមផ្លូវជាតិលេខ៦ ក្នុងភូមិកៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ ។
អាជ្ញាធរបានប្រើកម្លាំងសណ្តាប់ធ្នាប់ និងសមត្ថកិច្ចប្រមាណជាង២០នាក់បាននាំគ្នារើអីវ៉ាន់ និងរបស់របរមួយចំនួនដាក់រថយន្តដឹកយកទៅទុកបណ្តោះអាសន្ន នៅសាលាខណ្ឌជ្រោយចង្វារ ។ សំណង់នោះត្រូវអាជ្ញាធរឲ្យដឹងថា មានទំហំ១៧.៦ម៉ែត្រគុណ១៨ម៉ែត្រ ប្រក់ស័ង្កសី ដែលគេស្គាល់ថា ម្ចាស់ឈ្មោះ អ៊ឹង ជុងកេង ដែលបានសាងសង់មិនស្តាប់តាមការណែនាំពីអាជ្ញាធរ ។
តាមអាជ្ញាធរខណ្ឌជ្រោយចង្វារបានឲ្យដឹងថា ការចុះដកហូតសម្ភារសំណង់នេះ ធ្វើឡើងតាមលិខិតលេខ៤២៥/១៨ ស ជ ណចុះថ្ងៃទី០៧ ខែមិថុនា ឆ្នាំ២០១៨ របស់សាលាខណ្ឌជ្រោយចង្វារ បន្ទប់ពីអាជ្ញាធរចុះធ្វើកំណត់ហេតុផ្អាកការសាងសង់កាលពីពេលថ្មីៗនេះ ហើយម្ចាស់មិនស្តាប់នៅតែបន្តសាងសង់ ។
តាមអាជ្ញាធរឲ្យដឹងទៀតថា កន្លងមកអាជ្ញាធរបានធ្វើការសម្របសម្រួលឱ្យផ្អាកការសាងសង់នៅលើដីនេះព្រោះដីនេះប៉ះពាល់គម្រោងស្ថាបនាផ្លូវ១០០ម៉ែត្រ ពីអក្សរផ្លូវជាតិលេខ៦ ព្រមទាំងចេញសេចក្កីជួនដំណឹងឲ្យម្ចាស់រុះរើដោយខ្លួនឯង ដោយទុករយៈពេលមួយសប្តាហ៍ តែម្ចាស់មិនស្តាប់តាមការណែនាំ និងនៅតែបន្តការសាងសង់ទើបអាជ្ញាធរប្រើវិធានការណ៍រដ្ឋបាលចាប់ដកហូតសម្ភារ ។
គួរបញ្ជាក់ទៀតថា កាលពីឆ្នាំ២០១៧ លោកអ៊ឹង ជុងកេង ដែលជាម្ចាស់សំណង់នេះបានសាងសង់ឃ្លាំងមួយក្បែរគ្នានោះ ហើយត្រូវបានអាជ្ញាធរចាប់ដកហូតបានសម្ភារម្តងហើយ ត្រូវម្ចាស់បានបើករថយន្តមកស្ទះរថយន្តរបស់អាជ្ញាធរផងដែរ និងលើកនេះបន្តសាងសង់វីឡាអត់ច្បាប់ និងរំលោភលើគម្រោងស្ថាបនាផ្លូវ១០០ម៉ែត្រពីអក្សផ្លូវលេខ៦ទៀត ៕
ចែករំលែកព័តមាននេះ