រាជធានីភ្នំពេញ ៖ យុវជនម្នាក់ចង.កសម្លាប់ខ្លួនដោយមិនដឹងមូលហេតុ បង្កឱ្យមានការភ្ញាក់ផ្អើលកាលពីវេលាម៉ោង៩និង៣០នាទីយប់ថ្ងៃទី៥ ខែមិថុនា ឆ្នាំ២០១៨ នៅផ្ទះលេខ៣៤ ផ្លូវឌឿងហែម ក្រុមទី១ ភូមិដើមចាន់…
រាជធានីភ្នំពេញ ៖ យុវជនម្នាក់ចង.កសម្លាប់ខ្លួនដោយមិនដឹងមូលហេតុ បង្កឱ្យមានការភ្ញាក់ផ្អើលកាលពីវេលាម៉ោង៩និង៣០នាទីយប់ថ្ងៃទី៥ ខែមិថុនា ឆ្នាំ២០១៨ នៅផ្ទះលេខ៣៤ ផ្លូវឌឿងហែម ក្រុមទី១ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
ជនរងគ្រោះដែលស្លាប់ឈ្មោះ សៅ សុជាតិ ភេទប្រុស អាយុ២០ឆ្នាំ ទីលំនៅផ្ទះកើតហេតុខាងលើ ។
យោងតាមព័ត៌មានពីស្ត្រីជាម្តាយឈ្មោះឌិត គន្ធា អាយុ៥០ឆ្នាំ មុខរបរលក់បាយ ទីលំនៅផ្ទះកើតហេតុខាងលើ បានអោយដឹងថា ជារៀងរាល់ខែ កូនប្រុសតែងមកលេងផ្ទះម្តង ដោយយកប្រាក់ខែដែលរកបានមកជូនម្តាយ និងក្រុមគ្រួសារ ដើម្បីផ្គង់ផ្គង់ជីវភាពប្រចាំថ្ងៃ ព្រោះកូនបម្រើការងារក្នុងសណ្ឋាគារធំមួយកន្លែងនៅទីនៅខេត្តព្រះសីហនុ ។
ស្ត្រីជាម្តាយបានបន្តទៀតថា នៅថ្ងៃកើតហេតុ សមាជិកក្នុងគ្រួសារទាំងអស់មានគ្នា៦នាក់ បាននាំគ្នាជូនកូនស្រីច្បងឈ្មោះ សៅ មរគត៌ ឡើងយន្តហោះត្រៀមទៅបម្រើការងារនៅប្រទេសជប៉ុន ខណៈដែលយុវជនរងគ្រោះជាកូនខាងលើនៅផ្ទះជាមួយក្មួយស្រីម្នាក់ទៀត ។
ប្រភពពីក្មួយស្រីឈ្មោះ អ៊ីន មានីត បានអោយដឹងថា នៅវេលាម៉ោង៧យប់ថ្ងៃដដែល នាងបានលឺសូរសម្លេងបោកចានឆ្នាំនៅក្នុងបន្ទប់យុវជនរងគ្រោះ ប៉ុន្តែពេលនោះនាងមិនហ៊ានឡើងទៅមើលឡើយ ។ លុះពេលស្ត្រីជាម្តាយ និងកូនៗត្រឡប់មកវិញ ក៏បានឡើងទៅមើលស្រាប់តែប្រទះឃើញ យុវជនរងគ្រោះជាកូនចង.កស្លាប់បាត់ទៅហើយ ដោយយកខ្សែភ្លើងចង.កទៅនឹងបង្អួច ។
ស្ត្រីជាម្តាយជនរងគ្រោះបញ្ជាក់ថា កន្លងមកយុវជនជាកូនពុំដែលកើតមានការពិបាកចិត្ត ឬមានរឿងអ្វីឡើយ ព្រោះជារៀងរាល់ខែ គេតែងមកផ្ទះលេងម្តង ហើយមកក្នុងសភាពសប្បាយ និងនឹករលឹកអ្នកផ្ទះធម្មតា ។ ស្ត្រីជាម្តាយបន្តថា នៅថ្ងៃកើតហេតុ យុវជនជាកូនក៏មិនមានភាពខុសប្រក្រតីអ្វីដែរ លុះគ្មានសមាជិកគ្រួសារមិននៅផ្ទះ ក៏កើតមានហេតុការណ៍បែបនេះឡើងតែម្តងទៅ ។
ក្រោយកើតហេតុ នគរបាលមូលដ្ឋានសហការជាមួយនគរបាលជំនាញ បានចុះពិនិត្យសពជាក់ស្តែង ក្រោយការពិនិត្យសពយ៉ាងល្អិតល្អន់រួចមក នគរបាលបញ្ជាក់ថា ជនរងគ្រោះពិតជាត្រូវស្លាប់ដោយសារចង.កប្រាកដមែន ពុំមែនជាករណីអ្វីផ្សេងនោះឡើយ ។
ក្រោយការពិនិត្យសពរួច សមត្ថកិច្ចបានប្រគល់សពជូនក្រុមគ្រួសារសាច់ញាតិ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ