ដល់ទៅបីក្បាលតំណាងគ្នាទៀត ចងក្បែរផ្ទះសោះ!
- ពោធិ៍សាត់
ខេត្តពោធិ៍សាត់ ៖ កាលពីវេលាម៉ោង០៣ទៀបភ្លឺឈានចូលថ្ងៃទី០៤ ខែមិថុនា ឆ្នាំ២០១៨ ប្រជាពលរដ្ឋឈ្មោះ អួន រ៉ាត់ ភេទប្រុស អាយុ៣១ឆ្នាំ…
ខេត្តពោធិ៍សាត់ ៖ កាលពីវេលាម៉ោង០៣ទៀបភ្លឺឈានចូលថ្ងៃទី០៤ ខែមិថុនា ឆ្នាំ២០១៨ ប្រជាពលរដ្ឋឈ្មោះ អួន រ៉ាត់ ភេទប្រុស អាយុ៣១ឆ្នាំ រស់នៅភូមិខ្សាច់ល្អិត ឃុំអន្សារចំបក់ ស្រុកក្រគរ បានបាត់សត្វក្របីចំនួន០៣ក្បាល (ញីពីរឈ្មោលមួយ) ដែលចងក្បែរផ្ទះក៏បានប្ដឹងទៅសមត្ថកិច្ចឲ្យជួយអន្ដរាគមន៍ ។ បន្ទាប់ពីទទួលបានពាក្យបណ្ដឹងភ្លាមសមត្ថកិច្ចនគរបាលប៉ុស្តិ៍រដ្ឋបាលសហការជាមួយនគរបាលជំនាញព្រហ្មទណ្ឌស្រុក ចុះស្រាវជ្រាវជាបន្ទាន់ ។
រហូតនៅថ្ងៃទី០៥ ខែមិថុនា ឆ្នាំ២០១៨ វេលាម៉ោង១៧និង៣០នាទីល្ងាចបានឃើញក្របីទាំង០៣ក្បាលចងចោលក្នុងព្រៃត្រង់ចំណុចសាលាជប៉ុន ស្ថិតក្នុងភូមិដូង ឃុំក្បាលត្រាច ស្រុកក្រគរ ប៉ុន្តែមិនឃើញក្រុមចោរដែលលួចដឹកមកនោះទេ ។ នៅពេលឃើញដានរ៉ឺម៉កម៉ូតូមានការសង្ស័យក៏តាមដានមកស្រាប់តែឃើញចូលក្នុងផ្ទះប្រជាពលរដ្ឋម្នាក់នៅភូមិក្បាលត្រាចក៏បានស្រាវជ្រាវឈានទៅឃាត់ខ្លួនជនសង្ស័យបានចំនួនពីរនាក់ ពាក់ព័ន្ធក្នុងករណីចោរកម្មនេះ ។
លោកវរសេនីយ៍ឯកឯម រុន អធិការនគរបាលស្រុកក្រគរបានឲ្យដឹងថា ជនសង្ស័យដែលឃាត់ខ្លួននេះម្នាក់ឈ្មោះស្រេង វ៉ែន ភេទប្រុស អាយុ៤៥ឆ្នាំ ជនជាតិខ្មែរ រស់នៅភូមិដួង ឃុំក្បាលត្រាច ស្រុកក្រគរ និងម្នាក់ទៀតឈ្មោះទាំ លោះ ភេទប្រុស អាយុ២៣ឆ្នាំ ជនជាតិខ្មែរឥស្លាម រស់នៅភូមិរលាំង ឃុំកញ្ជរ ស្រុកកណ្ដៀង ។
រហូតដល់ការឈានទៅដល់ឃាត់ខ្លួនជនសង្ស័យទាំងពីរនាក់នេះ តាមរយៈការផ្ដល់ព័ត៌មានពីប្រជាពលរដ្ឋដែលឃើញហេតុការណ៍ជាក់ស្ដែង និងតាមដីការបស់ព្រះរាជអាជ្ញាអមសាលាដំបូងផងដែរ ។
ជនសង្ស័យ និងវត្ថុតាងសមត្ថកិច្ចបានបង្កសំណុំរឿងបញ្ជូនទៅសាលាដំបូងដើម្បីចាត់ការបន្តតាមនីតិវិធី ៕
ចែករំលែកព័តមាននេះ