ខេត្តបាត់ដំបង ៖ មន្ត្រីកងរាជអាវុធហត្ថបានឱ្យដឹងថា កម្លាំងកងរាជអាវុធហត្ថស្រុកនិងខេត្ត បានធ្វើការស្ទាក់ចាប់រថយន្តច្នៃមួយគ្រឿង ដែលមានដឹកកំណាត់ឈើប្រណីត កាលពីវេលាម៉ោង០៧ និង២០នាទីយប់ថ្ងៃទី០៥ មិថុនា ស្ថិតនៅចំណុចច្រកចង្អៀត…
ខេត្តបាត់ដំបង ៖ មន្ត្រីកងរាជអាវុធហត្ថបានឱ្យដឹងថា កម្លាំងកងរាជអាវុធហត្ថស្រុកនិងខេត្ត បានធ្វើការស្ទាក់ចាប់រថយន្តច្នៃមួយគ្រឿង ដែលមានដឹកកំណាត់ឈើប្រណីត កាលពីវេលាម៉ោង០៧ និង២០នាទីយប់ថ្ងៃទី០៥ មិថុនា ស្ថិតនៅចំណុចច្រកចង្អៀត ក្នុងភូមិព្រៃធំ ឃុំកំពង់ល្ពៅ ស្រុកសំឡូត ។
គេមិនដឹងអំពីចំនួន ឬប្រភេទឈើអ្វីខ្លះទេ តែអាចជាប្រភេទឈើប្រណីត ដែលឈ្មូញដឹកចេញពីស្រុកវាលវែង ខេត្តពោធិ៍សាត់ តាមច្រកចង្អៀត ឆ្ពោះមកកាន់ស្រុកសំឡូត ទើបត្រូវកម្លាំងកងរាជអាវុធហត្ថស្ទាក់ចាប់បានតែម្ដង ។ មន្ត្រីកងរាជអាវុធហត្ថបានឲ្យដឹងជាបឋមថា នៅព្រឹកថ្ងៃទី០៦ មិថុនា នេះ កម្លាំងកងរាជអាវុធហត្ថស្រុក និងខេត្ត រួមទាំងមន្ត្រីស្ថាប័នជំនាញផង កំពុងធ្វើការពិនិត្យប្រភេទឈើ និងធ្វើកំណត់ហេតុ។
បើតាមមន្ត្រីដដែលបានបញ្ជាក់ទៀតថា អ្នកបើករថយន្តដឹកបទល្មើសព្រៃឈើរនេះ បានរត់គេចខ្លួន ពេលត្រូវសមត្ថកិច្ចចុះឃាត់ ។ ពេលនេះ មន្ត្រីជំនាញកំពុងធ្វើកំណត់ហេតុ ដើម្បីប្រគល់វត្ថុតាងទាំងនោះឱ្យទៅមន្ទីរជំនាញហើយ ។
ចែករំលែកព័តមាននេះ