ខេត្តបាត់ដំបង ៖ សមត្ថកិច្ចបានរាយការណ៍ថា បុរសម្នាក់បានចាប់ពង្រត់កូនស្រីអាយុ១០ឆ្នាំ ដែលជាកូនចុង យកទៅបង្ខាំងទុករួចគំរាមទារលុយពីម្ដាយនាង (ប្រពន្ធចុង) ចំនួន២លានរៀល ដែលជាថ្នូរមិនបញ្ជូននាងទៅកាន់ប្រទេសយូន ហើយត្រូវម្ដាយក្មេងស្រីដាក់ពាក្យបណ្ដឹងឱ្យកម្លាំងអធិការនគរបាលស្រុកកំរៀង…
ខេត្តបាត់ដំបង ៖ សមត្ថកិច្ចបានរាយការណ៍ថា បុរសម្នាក់បានចាប់ពង្រត់កូនស្រីអាយុ១០ឆ្នាំ ដែលជាកូនចុង យកទៅបង្ខាំងទុករួចគំរាមទារលុយពីម្ដាយនាង (ប្រពន្ធចុង) ចំនួន២លានរៀល ដែលជាថ្នូរមិនបញ្ជូននាងទៅកាន់ប្រទេសយូន ហើយត្រូវម្ដាយក្មេងស្រីដាក់ពាក្យបណ្ដឹងឱ្យកម្លាំងអធិការនគរបាលស្រុកកំរៀង ជួយអន្តរាគមន៍ កាលពីព្រឹកថ្ងៃទី០៥ មិថុនា ក្រោយពីគាត់ទទូលបានសារគំរាមនេះ ពីប្ដីក្រោយដ៏គំរក់នោះ។
បើតាមព័ត៌មានបឋម ដែលសមត្ថកិច្ចទទូលបានពីម្ដាយក្មេងស្រីរងគ្រោះ គឺអ្នកស្រី អ៊ុច តូច អាយុ៣១ឆ្នាំ បានប្ដឹងសមត្ថកិច្ចថា ប្ដីក្រោយរបស់គាត់ឈ្មោះវិន តិច អាយុ៣៧ឆ្នាំ បានចាប់ពង្រត់កូនស្រីគាត់ ដែលជាកូនប្ដីមុន ឈ្មោះចាន់ សុភា អាយុ១០ឆ្នាំ កាលពីថ្ងៃទី០៣ មិថុនា ដែលកើតឡើងនៅក្នុងផ្សារឡែម ក្នុងទឹកដីប្រទេសថៃ ទល់មុខច្រកទ្វាអន្តរជាតិ «ដូង» ស្រុកកំរៀង ។
គាត់បានប្រាប់ថា ក្រោយពីពង្រត់កូនស្រីគាត់ទៅបាត់ប៉ុន្មានថ្ងៃ ស្រាប់តែនៅព្រឹកថ្ងៃទី០៥ មិថុនា ប្ដីចុងគំរក់នេះ បានទូរស័ព្ទមកគំរាមទារប្រាក់ពីគាត់ចំនួន២លានរៀល តែបើគាត់មិនឱ្យទេ គេ(ប្ដី)នឹងបញ្ជូនកូនស្រីគាត់ទៅប្រទេសវៀតណាម ។ ដូច្នេះហើយ ទើបគាត់ប្រញាប់ទៅប្ដឹងសមត្ថកិច្ច ឱ្យជួយអន្តរាគមន៏តែម្ដងទៅ ។
សូមបញ្ជាក់ថា បើតាមសមត្ថកិច្ចបានប្រាប់ថា ក្រុមគ្រួសារជនរងគ្រោះនេះ មានស្រុកកំណើតនៅ ភូមិព្រែកស្ពាន ឃុំកំពង់ព្រះគគី ស្រុកបរិបូរណ៌ ខេត្តកំពង់ឆ្នាំង ប៉ុន្តែ មកស្នាក់នៅបណ្ដោះអាសន្ននៅចំណុចភូមិដូង ឃុំបឹងរាំង ស្រុកកំរៀង ។ ក្មេងស្រីរងគ្រោះជាកូនរបស់អ្នកស្រីអ៊ុច តូច ជាមួយប្ដីដើម តែត្រូវប្ដីចុងឈ្មោះ
វិន តិច នេះចាប់ពង្រត់យកទៅបង្ខាំងទុកដើម្បីគំរាមទារប្រាក់ ។
ប៉ុន្តែបើតាមព័ត៌មានចុងក្រោយដែលកោះសន្តិភាព ទើបទទួលបានមុននេះបន្តិច ពីលោកឧត្តមសេនីយ៍
ត្រី ជេត វណ្ណនី ស្នងការរងខេត្តបានឲ្យដឹងថា ក្រោយពីសមត្ថកិច្ចទទូលបានបណ្ដឹងនេះ លោកស្នងការខេត្តបានបញ្ជាភ្លាមៗ ឱ្យកម្លាំងជំនាញធ្វើការស្រាវជ្រាវយ៉ាងដុតដៃដុតជើងបំផុត រហូតឈានដល់ការកំណត់បាននូវមុខសញ្ញានេះ ។
លោកស្នងការរងបានបញ្ជាក់ថា ជនសង្ស័យត្រូវកម្លាំងស្នងការខេត្តបាត់ដំបង ធ្វើការស្រាវជ្រាវតាមឃាត់ខ្លួនបានហើយ នៅវេលាម៉ោង១០ព្រឹកថ្ងៃទី០៦ មិថុនា នេះ ខណ:ជននេះកំពុងសំងំលាក់ខ្លួន នៅខេត្តសៀមរាប ដោយមានកិច្ចសហការពីកម្លាំងស្នងការខេត្តនេះផងដែរ ។ សមត្ថកិច្ចបានឃាត់ខ្លួនជនសង្ស័យ និងបានរំដោះក្មេងស្រីរងគ្រោះយកមកវិញហើយ ។ ពេលនេះ កម្លាំងជំនាញកំពុងនាំខ្លួនឪពុកចុងតិរច្ឆានរូបនេះ មកកាន់ស្នងការខេត្តបាត់ដំបង ដើម្បីកសាងសំណុំ ។
ចែករំលែកព័តមាននេះ