ខេត្តព្រៃវែង ៖ បុរសម្នាក់បានស្លាប់នៅនឹងកន្លែងកើតហេតុ បន្ទាប់ពីគាត់បានបើកគោយន្តកន្ត្រៃ ត្រឡប់មកពីបូមទឹក មិនបានប្រយ័ត្ន ត្រូវគោយន្តបុកដើមត្នោត ហើយដៃគោយន្តក៏បុកចំចន្លោះក្លៀក របស់គាត់គាបជាប់ដើមត្នោតតែម្តងទៅ។ ហេតុការណ៍គួរឲ្យរន្ធត់នេះបានកើតឡើងនៅព្រឹក…
ខេត្តព្រៃវែង ៖ បុរសម្នាក់បានស្លាប់នៅនឹងកន្លែងកើតហេតុ បន្ទាប់ពីគាត់បានបើកគោយន្តកន្ត្រៃ ត្រឡប់មកពីបូមទឹក មិនបានប្រយ័ត្ន ត្រូវគោយន្តបុកដើមត្នោត ហើយដៃគោយន្តក៏បុកចំចន្លោះក្លៀក របស់គាត់គាបជាប់ដើមត្នោតតែម្តងទៅ។ ហេតុការណ៍គួរឲ្យរន្ធត់នេះបានកើតឡើងនៅព្រឹក ថ្ងៃអង្គារ ៧រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៥ មិថុនា ២០១៨ វេលាម៉ោង ០៨ និង១០នាទីយប់ នៅចំណុចវាលស្រែខាងកើតភូមិចម្ការគួយកើត ឃុំដំរីពួន ស្រុកស្វាយអន្ទរ ចម្ងាយ ១.៥០០ម៉ែត្រ ពីផ្ទះរបស់ជនរងគ្រោះ។
សមត្ថកិច្ចមូលដ្ឋានបានឲ្យដឹងថា ជនរងគ្រោះខាងលើមានឈ្មោះ សុន សុភា ភេទប្រុស អាយុ៣៤ឆ្នាំ រស់នៅភូមិចម្ការគួយកើត ឃុំដំរីពួន ស្រុកស្វាយអន្ទរ ខេត្តព្រៃវែង។ ប្រភពបានបន្តថា នៅមុនពេលកើតហេតុជនរងគ្រោះបានបើកគោយន្តកន្ត្រៃដឹកម៉ាស៊ីនបូមទឹក ចេញពីផ្ទះ យកទៅបូមទឹកនៅស្រែ ពេលដឹកម៉ាស៊ីនទៅដល់ទីតាំងហើ គាត់ក៏ត្រឡប់មកផ្ទះវិញ។
លុះនៅពេលធ្វើ ដំណើរត្រឡប់មកផ្ទះវិញមិនប្រយ័ត្ន គោយន្តក៏បានបុកដើមត្នោត ធ្វើឲ្យដៃគោយន្តបុកចំចន្លោះក្លៀក ខាងស្ដាំជាប់នឹងដើមត្នោតផុតជើង បណ្តាលឲ្យស្លាប់តែម្ដង។ ក្រោយការពិនិត្យ និងកោសល្យវិច្ច័យសាកសពរួច សមត្ថកិច្ចបានសន្និដ្ឋានថា ជនរងគ្រោះពិតជាស្លាប់ ដោយសាគោយន្តកន្ត្រៃគាបជាប់នឹងដើមត្នោតពិតមែន។ បច្ចុប្បន្នសាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ