ខេត្តព្រៃវែង ៖ ស្ត្រីម្នាក់បានស្លាប់បាត់បង់ជីវិតចាកចោលក្រុមគ្រួសារ បន្ទាប់ពីរូបគាត់បានអូសកណ្តាប់ទៅឆ្លូកស្រូវម្នាក់ឯង រួចក៏រអិលជើងធ្លាក់បៀល ហើយក៏លង់ទឹកស្លាប់ ។ ហេតុការណ៍នេះបានបង្កការភ្ញាក់ផ្អើលនៅវេលាម៉ោង៧និង៣០នាទីព្រឹកថ្ងៃទី០៥ ខែមិថុនា ឆ្នាំ២០១៨ នៅចំណុច វាលស្រែខាងកើតភូមិក្រូច ឃុំក្តឿងរាយ ស្រុកកញ្ជ្រៀច ខេត្តស្វាយរៀង ។
សមត្ថកិច្ចមូលដ្ឋានបានឲ្យដឹងថា ជនរងគ្រោះខាងលើមានឈ្មោះ បោយ ខុម ភេទស្រី អាយុ៥៤ឆ្នាំ រស់នៅក្នុងភូមិឃុំ កើតហេតុខាងលើ ។
សមត្ថកិច្ចបានឲ្យដឹងថា បើតាមការឲ្យដឹងរបស់ក្រុមគ្រួសារជនរងគ្រោះបានបំភ្លឺថា នៅមុនពេលកើតហេតុជនរងគ្រោះបានចេញពីផ្ទះដោយមកអូសកណ្តាប់ ដើម្បីទៅឆ្លូកនៅស្រែតែម្នាក់ឯង តែមិនដឹងថា ជនរងគ្រោះដើរមិនប្រយ័ត្នក៏រអិលជើងចូលក្នុងបៀរជិតនោះបណ្តាលឲ្យលង់ស្លាប់តែម្តងទៅ ។
ក្រោយពីការពិនិត្យសព សមត្ថកិច្ចបានបញ្ជាក់ឲ្យដឹងថា សពពិតជាលង់ទឹកស្លាប់ខ្លួនឯងពិតប្រាកដមែន ។ បច្ចុប្បន្នសពបានប្រគល់ជូនឲ្យក្រុមគ្រួសារយកទៅធ្វើបុណ្យតាមប្រពៃណីដែរ ៕
ចែករំលែកព័តមាននេះ