ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា បុរសម្នាក់ដែរគេសង្ស័យថា ជាមនុស្សវិកលចរិកត្រូវបានគេប្រទះឃើញដេកស្លាប់យ៉ាងអាណោចអាធម៌គួរឱ្យសង្វេគ ហេតុការណ៍នេះបានបង្កឱ្យមានការភ្ញាក់ផ្អើល កាលពីម៉ោង៥និង១០នាទីព្រឹក ថ្ងៃទី០៥ ខែមិថុនា ឆ្នាំ២០១៨…
ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា បុរសម្នាក់ដែរគេសង្ស័យថា ជាមនុស្សវិកលចរិកត្រូវបានគេប្រទះឃើញដេកស្លាប់យ៉ាងអាណោចអាធម៌គួរឱ្យសង្វេគ ហេតុការណ៍នេះបានបង្កឱ្យមានការភ្ញាក់ផ្អើល កាលពីម៉ោង៥និង១០នាទីព្រឹក ថ្ងៃទី០៥ ខែមិថុនា ឆ្នាំ២០១៨ ស្ថិតនៅចំណុចខាងលិចផ្លូវចូលចំការឈូករ័ត្ន ក្នុងភូមិព្រៃផ្ដៅ សង្កាត់ច្រកម្ទេស ក្រុងបាវិត។
សមត្ថកិច្ចមូលដ្ឋានបានឱ្យដឹងថា ជនរងគ្រោះមិនត្រូវបានស្គាល់អត្តសញ្ញាណ មានអាយុប្រហែ៥៥ឆ្នាំ និងត្រូវបានពលរដ្ឋបានប្រទះឃើញដេកស្លាប់ទាំងបើកភ្នែក មើលទៅគួរពិតជាអាណោចអាធម៌គួរឱ្យសង្វេគណាស់ ។ ក្រោយពីទទួលបានព័ត៌មានពីប្រជាពលរដ្ឋភ្លាម សមត្ថកិច្ចជំនាញបានចុះទៅដល់កន្លែងកើតហេតុ ដើម្បីពិនិត្យលើខ្លួនសព ហើយរកឃើញថា ជនរងគ្រោះ គឺស្លាប់ដោយសារខ្យល់គ ។
ក្រោយពីពិនិត្យរួចត្រូវបានគណៈកម្មការចម្រុះ បានយកទៅបញ្ចុះបណ្តោះអាសន្ននៅទួលអ្នកតាចាស់ ស្ថិតនៅក្នុងភូមិត្រពាំងផ្លុង សង្កាត់បាទី ក្រុងបាវិត ដើម្បីស្រាវជ្រាវរកក្រុមគ្រួសារមកទទួលយកទៅធ្វើបុណ្យតាមប្រពៃណី ។
ចែករំលែកព័តមាននេះ