ខេត្តព្រៃវែង ៖ បុរសម្នាក់បានផឹកស្រាស្រវឹងរួចក៏ចុះទៅងូតទឹកក្នុងទន្លេ ស្រាប់តែបាត់មិនឃើញឡើងមកវិញ រហូតស្អែកឡើងឃើញសពអណ្តែត ។ ហេតុការណ៍នេះបានបង្កឱ្យមានការភ្ញាក់ផ្អើលកាលពីវេលាម៉ោង៧និង៥នាទីព្រឹកថ្ងៃទី៣ ខែមិថុនា ឆ្នាំ២០១៨ ។
សមត្ថកិច្ចនៅមូលដ្ឋានបានអោយដឹងថា មុនពេលកើតហេតុ សមត្ថកិច្ចបានទទួលព័ត៌មានតាមរយៈប្រជាពលរដ្ឋឈ្មោះ ឃុត ខន មករាយការណ៍ថា ពួកគាត់បានប្រទះឃើញសពរបស់ឈ្មោះ យ៉ា ហា ភេទប្រុស អាយុ៣៦ឆ្នាំ រស់នៅក្នុងភូមិអង្គរអង្គ ឃុំអង្គរអង្គ ស្រុកពាមជរ ខេត្តព្រៃវែង បានអណ្តែតឡើង ខណៈដែលជនរងគ្រោះបានផឹកស្រាស្រវឹង រួចបានចុះងូតទឹកទន្លេ ហើយបានបាត់ខ្លួនតាំងពីល្ងាចថ្ងៃទី២ ខែមិថុនា រហូតដល់ម៉ោង៧និង៥នាទីព្រឹកថ្ងៃទី៣ មិថុនា ទើបរកឃើញសពអណ្ដែតទឹក។
ក្រោយពីទទួលបានព័ត៌មាននេះភ្លាម សមត្ថកិច្ចជំនាញបានចុះទៅធ្វើការពិនិត្យ និងធ្វើកោសល្យវិច្ច័យរកឃើញថា ជនរងគ្រោះពិតជាស្លាប់ដោយសារលង់ទឹកប្រាកដមែន។
ក្រោយពីពិនិត្យរួច សមត្ថកិច្ចបានប្រគល់សពឱ្យទៅក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ