រាជធានីភ្នំពេញ ៖ ក្រោមកិច្ចសហការជាមួយធនាគារអេស៊ីលីដា ភីអិលស៊ី រដ្ឋបាលរាជធានីភ្នំពេញនឹងដាក់ឲ្យដំណើរការ ការទូទាត់ប្រាក់តាមរយះ QR Code ជាមួយកម្មវិធីអេស៊ីលីដាទាន់ចិត្តលើរថយន្តក្រុងរបស់រដ្ឋបាលរាជធានីភ្នំពេញនាពេលដ៏ខ្លីខាងមុខនេះ ។
តាមរយៈកិច្ចប្រជុំជាមួយតំណាងធនាគារ អេស៊ីលីដា កាលពីរសៀលថ្ងៃទី៣១ ឧសភា លោក កើត ឆែ អភិបាលរងរាជធានីភ្នំពេញបានជំរុញឲ្យផ្នែកពាក់ព័ន្ធធ្វើការងារដាក់ប្រព័ន្ធទូទាត់ប្រាក់បែបទំនើប (QR Code) តាមរយៈទូរស័ព្ទដៃនេះត្រូវធ្វើឲ្យបានលឿនដើម្បីសម្រួលដល់ការទូទាត់ប្រាក់សំរាប់សេវាជិះរថយន្ត ដឹកជញ្ជូនសាធារណៈរថយន្តក្រុងរបស់រដ្ឋបាលរាជធានីភ្នំពេញ ។
លោក អ៊ាន សុឃីម អភិបាលរដ្ឋករស្វយ័តដឹកជញ្ជូនសាធារណៈរថយន្តក្រុងបានឲ្យដឹងដែរថា គោលបំណងសំខាន់របស់រដ្ឋបាលរាជធានីភ្នំពេញគឺការដាក់ប្រព័ន្ធ QR Code លើទូរសព្ទ័ដៃ Smart Phone ដើម្បីសំរួលដល់ការបង់ថ្លៃសេវាជិះរថយន្តក្រុងដល់ប្រជាពលរដ្ឋយើងឲ្យកាន់តែងាយស្រួល ។
សព្វថ្ងៃនេះរដ្ឋាករស្វយ័តដឹកជញ្ជូនសាធារណៈរថយន្តក្រុង បានប្រើប្រាស់ជំរើស២រួចហើយក្នុងការបង់ថ្លៃសេវារថយន្តក្រុងនេះគឺទី១ ទិញសំបុត្របង់ជាសាច់ប្រាក់សុទ្ធ និងទី២បង់តាមរយៈម៉ាស៊ីនទូទាត់អេឡិចត្រូនិក NFD របស់ក្រុមហ៊ុន Wing ហើយនៅពេលនេះយើងនឹងដាក់ឲ្យដំណើរការការបង់ថ្លៃសេវាតាមរយៈ QR Code ដែលនឹងដាក់ឲ្យដំណើរការឆាប់ៗនេះ ៕
ចែករំលែកព័តមាននេះ