រាជធានីភ្នំពេញ ៖ ណាហ្គាវើលដ៍ នឹងដាក់លក់ទុរេនបញ្ចុះតម្លៃម្ហូប និងផ្តល់ជូននូវកម្មវិធីកម្សាន្តដ៏សម្បូរ បែបពេញមួយខែមិថុនា ។ ណាហ្គាវើលដ៍ មានលក់ទុរេនរៀងរាល់ថ្ងៃពីម៉ោង ២…
រាជធានីភ្នំពេញ ៖ ណាហ្គាវើលដ៍ នឹងដាក់លក់ទុរេនបញ្ចុះតម្លៃម្ហូប និងផ្តល់ជូននូវកម្មវិធីកម្សាន្តដ៏សម្បូរ បែបពេញមួយខែមិថុនា ។ ណាហ្គាវើលដ៍ មានលក់ទុរេនរៀងរាល់ថ្ងៃពីម៉ោង ២ រសៀលដល់ ១០ យប់ នៅភោជនីយដ្ឋានវិមានអម្រឹត (ជាន់ទី ៩ នៅណាហ្គាវើលដ៍) ។
យោងតាមក្រុមហ៊ុនណាហ្គាវលើលដ៍ ទុរេន គឺជាស្តេចផ្លែឈើមួយ ដែលមានប្រភពមកពីខេត្តកំពត ។ រីករាយពិសាទុរេន និងមង្ឃុតខ្មែរពិសេសតម្លៃ២៣ដុល្លារប៉ុណ្ណោះសម្រាប់ម្នាក់នៅលើជាន់ដំបូលអគារដែលមានអាងហែលទឹក ខណៈអតិថិជនអាចទស្សនាទេសភាពដ៏ស្រស់ត្រកាលនៃទន្លេមេគង្គ ។ សមាជិកណាហ្គាវើលដ៍ ឬហៅថា សមាជិកហ្គោលដិនអេចរីវ៉ត នឹងទទួលបានការបញ្ចុះតម្លៃពិសេសមកត្រឹមតែ ១៨ដុល្លារ ឬ១៨០ពិន្ទុប៉ុណ្ណោះក្នុងម្នាក់ ដើម្បីពិសាទុរេនក្នុងរដូវនេះ ហើយអតិថិជនដែលស្នាក់នៅ ណាហ្គាវើលដ៍ នឹងទទួលបានបណ្ណសម្រាប់ប្រើប្រាស់ដើម្បីពិសាទុរេនជាមួយក្រេឌីត១០ដុល្លារ ដោយចំណាយតែ១៨ដុល្លារប៉ុណ្ណោះ ។
ពីថ្ងៃទី ៤ ដល់ ១៨ មិថុនា ណាហ្គាវើលដ៍ នឹងដំណើរការកម្មវិធីប្រូម៉ូសិន នំចាំងរបស់ខ្លួនដែលពេញនិយមបំផុតក្នុងចំណោមប្រជាជនក្នុងទ្វីបអាស៊ីដែលមានដូចជា នំចាំងបង្គាក្រៀម និងសាច់មាន់ នំចាំងសាច់ជ្រូកបែបប្រពៃណីហុងកុង នំចាំងសណ្តែងលឿង និងនំចាំងសណ្តែកក្រហម ។ តម្លៃចាប់ពី៣ដុល្លារ ឬ៨ពិន្ទុសម្រាប់សមាជិក ចំនួនមានកំណត់ មានដាក់លក់នៅភោជនីយដ្ឋានចិន Fortune Palace (ជាន់ទី ១ ណាហ្គាវើលដ៍) Chopstick (ជាន់ផ្ទាល់ដី ណាហ្គាវើលដ៍) Hall of Golden Chimes (ជាន់ទី ៥ ណាហ្គាទី ២) និង Golden Bowl (ជាន់ទី ១ ណាហ្គាទី ២) ។
ក្នុងរដូវក្តៅនេះ ណាហ្គាវើលដ៍ក៏មានផ្តល់ជូនឲ្យអតិថិជននូវកម្មវិធីពិសេសដ៏ច្រើនសន្ធឹកសន្ធាប់ផងដែរ រួមមាន ប៊ុហ្វេថ្ងៃត្រង់ និងល្ងាចទិញ ១ ថែម ១ នៅភោជនីយដ្ឋាន 2Pangea (ជាន់ទី ២ ណាហ្គាទី ២) ដែលជាភោជនីយដ្ឋានប៊ុហ្វេប្រណីតដែលមានប្រវែងវែងជាងគេក្នុងរាជធានីភ្នំពេញ ។ ចំណាយតែ១៤ដុល្លារ ប៉ុណ្ណោះសម្រាប់ប៊ុហ្វេថ្ងៃត្រង់ចាប់ពីម៉ោង ១២ ថ្ងៃត្រង់ដល់ ២និង៣០រសៀល ឬ ១៦,៥០ដុល្លារ សម្រាប់ ប៊ុហ្វេ ពេលល្ងាចចាប់ពីម៉ោង ៥:៣០ ល្ងាចដល់ ៧:៣០ យប់ ហើយអតិថិជន អាចកម្ម៉ង់បង្កងធំបន្ថែមក៏បាន ។ ចំពោះការប្រកួតពានរង្វាន់បាល់ទាត់ពិភពលោកឆ្នាំ ២០១៨ ក្នុងប្រទេសរុស្ស៊ី ដែលនឹងចាប់ផ្តើមនៅថ្ងៃទី ១៤ មិថុនានេះ ប្រិយមិត្តបាល់ទាត់អាចមកទស្សនាការផ្សាយបន្តផ្ទាល់នៅលើអេក្រង់ដ៏ធំ និងពិសាអាហារសម្រន់ និងភេសជ្ជៈពិសេសនៅបានីយដ្ឋានណាហ្គារ៉ក់ (ជាន់ទី ១ ណាហ្គាវើលដ៍) និងសាល Sports Book (ជាន់ទី ១ នៅណាហ្គាទី ២) ។
ប្រជាពលរដ្ឋអាចមកទស្សនាការសម្តែងរៀងរាល់ថ្ងៃចាប់ពីម៉ោង ៧:៣០ យប់ នៅឆាកជាន់ផ្ទាល់ដីណាហ្គាវើលដ៍ដែលមានការចូលរួមសម្តែងពីអ្នករាំអន្តរជាតិ តារាចម្រៀង សៀក តន្ត្រីករ-តន្ត្រីការិនី និងកម្មវិធីដ៏ជក់ចិត្តជាច្រើនទៀត ។ បទពិសោធន៍ដ៏អស្ចារ្យចុងក្រោយ គឺលោកអ្នកនឹងទទួលបានកញ្ចប់សេវាកម្មស្ប៉ាបញ្ចុះតម្លៃពិសេស ២០% រយៈពេល ១២០ នាទីនៅមណ្ឌលស្ប៉ាប្រណីតនៅជាន់ទី ១ នៅណាហ្គាវើលដ៍រួមមាន ការខាត់ស្បែកដោយប្រើជែលលូហ្វា ម៉ាស្សាក្បាល និងម៉ាស្សាដោយប្រើប្រេងអូលីវ ៕
ចែករំលែកព័តមាននេះ