រាជធានីភ្នំពេញ ៖ រថយន្តសណ្តោងស៊ីទែនស៊ីម៉ង់ត៍បើករ៉េចង្កូតបុកម៉ូតូមួយគ្រឿងពេញទំហឹងបណ្តាលឱ្យបុរសម្នាក់រងរបួសធ្ងន់ធ្ងរ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៧និង១០យប់ថ្ងៃទី៣១ ខែឧសភា ឆ្នាំ២០១៨ ស្ថិតនៅតាមផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅ២…
រាជធានីភ្នំពេញ ៖ រថយន្តសណ្តោងស៊ីទែនស៊ីម៉ង់ត៍បើករ៉េចង្កូតបុកម៉ូតូមួយគ្រឿងពេញទំហឹងបណ្តាលឱ្យបុរសម្នាក់រងរបួសធ្ងន់ធ្ងរ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៧និង១០យប់ថ្ងៃទី៣១ ខែឧសភា ឆ្នាំ២០១៨ ស្ថិតនៅតាមផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅ២ ខណ្ឌពោធិសែនជ័យ ។
រថយន្តបង្កម៉ាកហ៊ីយ៉ាន់ដាយ ពណ៌ក្រហម ពាក់ស្លាកលេខ ព្រះសីហនុ ៣A-៦៣០៦ ជាប្រភេទរថយន្តសណ្តោងស៊ីទែនស៊ីម៉ង់ត៍របស់ក្រុមហ៊ុនទ្រីស៊ូស៊ី (TSM) ដឹកជញ្ជូន បើកបរដោយបុរសម្នាក់ បន្ទាប់ពីកើតហេតុ អ្នកបើកបរបានរត់គេចខ្លួនបាត់។ ចំណែកម៉ូតូមួយគ្រឿងដែលរងគ្រោះម៉ាកហុងដាឌ្រីម ស៊េរី២០១៦ ពណ៌ខ្មៅ ពាក់ស្លាកលេខភ្នំពេញ ១GA-២៥៣៧ បើកបរដោយបុរសម្នាក់ បានរងរបួសបែកក្បាលយ៉ាងធ្ងន់ធ្ងរ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយថា នៅមុនពេលកើតហេតុ គេឃើញបុរសរងគ្រោះជិះម៉ូតូតែម្នាក់ឯងក្នុងទិសដៅពីត្បូងទៅជើង បើកបរក្នុងល្បឿនលឿន លុះបើកបរមកដល់ចំណុចកើតហេតុខាងលើ ស្រាប់តែមានរថយន្តសណ្តោងស៊ីទែនស៊ីម៉ង់ត៍បើកក្នុងទិសដៅពីជើងទៅត្បូងបញ្ច្រាសទិសគ្នា ហើយបើកបរក្នុងល្បឿនលឿនដូចគ្នា បានរ៉េចង្កូតទៅបុកម៉ូតូមួយគ្រឿងចំផ្នែកខាងមុខចំហៀងខាងឆ្វេងពេញទំហឹង បណ្តាលឱ្យបុរសជាអ្នកបើកបរម៉ូតូរងរបួសធ្ងន់សន្លប់ស្តូកស្តឹង រីឯម៉ូតូបានរងការខូចខាតខ្ទេចមួយកំណាត់មុខ ចំណែករថយន្តរងការខូចខាតដាច់កាងធ្លាក់ពេញផ្លូវ ហើយអ្នកបើកបររថយន្តរត់គេចខ្លួនបាត់។
ប្រភពដដែលបានបន្តទៀតថា ជនរងគ្រោះត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យភ្លាមៗផងដែរ។
ក្រោយពេលកើតហេតុ ជំនាញចរាចរណ៍ខណ្ឌពោធិ៍សែនជ័យបានប្រគល់អោយជំនាញចរាចរណ៍ជើងគោក នៃស្នងការរាជធានីភ្នំពេញ ដើម្បីវាស់វែងនឹងយកម៉ូតូ ព្រមទាំងរថយន្តទៅរក្សាទុករង់ចាំការដោះស្រាយ ៕
ចែករំលែកព័តមាននេះ