ខេត្តស្វាយរៀង ៖ បុរសវ័យចំណាស់ម្នាក់ត្រូវបានគេប្រទះឃើញដេកស្លាប់យ៉ាងអាណោចអាធម៌ នៅចំណុចផ្លូវចូលផ្សាររាត្រីថ្មី ដែលស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។ ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង…
ខេត្តស្វាយរៀង ៖ បុរសវ័យចំណាស់ម្នាក់ត្រូវបានគេប្រទះឃើញដេកស្លាប់យ៉ាងអាណោចអាធម៌ នៅចំណុចផ្លូវចូលផ្សាររាត្រីថ្មី ដែលស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។ ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង ១៦និង០០នាទីល្ងាចថ្ងៃទី៣១ ខែឧសភា ។
សមត្ថកិច្ចបានឲ្យដឹងថា សពមួយនេះត្រូវបានប្រជាពលរដ្ឋប្រទះឃើញដេកស្លាប់ដោយមិនដឹងមូលហេតុ ខណៈបច្ចុប្បន្ន គឺមិនអាចកំណត់អត្តសញ្ញាណបាននោះទេ តែតាមភិនភាគសពយើងអាចសន្និដ្ឋានថា សព ភេទប្រុស អាយុប្រហែល៦៥ឆ្នាំ ជាមនុស្ស(គ) ហើយគេតែងឃើញគាត់ដើរសុំទាននៅតំបន់នេះ តែមិនដឹងថា អាស័យដ្ឋានរបស់គាត់នៅឯណានោះឡើយ ។
បច្ចុប្បន្នសពត្រូវបានសមត្ថកិច្ចយកទៅបញ្ចុះនៅជិតបរិវេណវត្តតាពៅ ដើម្បីរង់ចាំបងប្អូនក្រុមគ្រួសារមកទទួលយក ហើយជាការអំពាវនាវពីសមត្ថកិច្ចក្រុងបាវិត បើសិនជាសាច់ញាតិ ឬអ្នកដែលបានស្គាល់សពបានឃើញព័ត៌មាននេះ សូមទាក់ទងមកសមត្ថកិច្ចក្រុងបាវិតតាមរយៈលេខទូរស័ព្ច (0977780086) សមត្ថកិច្ចនិងជូនទៅយកសព ៕
ចែករំលែកព័តមាននេះ