ខេត្តព្រះសីហនុ ៖ នៅសាលប្រជុំសាលាខេត្តព្រះសីហនុរសៀលថ្ងៃទី៣១ ខែឧសភា ឆ្នាំ២០១៨ នេះបានប្រារព្ធពិធីប្រកាសចូលកាន់មុខតំណែងប្រធានពន្ធនាគារជំនួសអតីតប្រធានពន្ធនាគារដែលត្រូវចូលនិវត្តន៍ ។ ពិធីខាងលើបានប្រព្រឹត្តទៅក្រោមអធិបតីភាពលោក ប៉ាវ ហមផាន…
ខេត្តព្រះសីហនុ ៖ នៅសាលប្រជុំសាលាខេត្តព្រះសីហនុរសៀលថ្ងៃទី៣១ ខែឧសភា ឆ្នាំ២០១៨ នេះបានប្រារព្ធពិធីប្រកាសចូលកាន់មុខតំណែងប្រធានពន្ធនាគារជំនួសអតីតប្រធានពន្ធនាគារដែលត្រូវចូលនិវត្តន៍ ។
ពិធីខាងលើបានប្រព្រឹត្តទៅក្រោមអធិបតីភាពលោក ប៉ាវ ហមផាន រដ្ឋលេខាធិការក្រសួងមហាផ្ទៃ ដោយមានការអញ្ជើញចូលរួមជាកិត្តិយសនៅក្នុងឱកាសខាងលើមានលោក ស្រ៊ុន ស្រ៊ន់ អភិបាលនៃគណ:អភិបាលស្តីទីតំណាងដ៏ខ្ពង់ខ្ពស់លោក យន្ត មីន អភិបាលនៃគណៈអភិបាលខេត្តព្រះសីហនុដែលលោកជាប់បំពេញបេសកម្ម និងមានការចូលរួមពីសំណាក់លោក លោកស្រី ជាអភិបាល អភិបាលរងក្រុង-ខេត្ត លោកលោកស្រីជាប្រធាន អនុប្រធានមន្ទីរ អង្គភាពពាក់ព័ន្ធ កងកម្លាំងប្រដាប់អាវុធទាំង៣ប្រភេទបានមកចូលរួមផងដែរ ។
យោងតាមសេចក្តីសម្រេចរបស់រាជរដ្ឋាភិបាលក្រសួងមហាផ្ទៃលេខ១៩១៦.ប្រ.កចុះថ្ងៃទី២៥ ខែមេសា ឆ្នាំ២០១៨ ស្តីពីការប្រគល់ភារកិច្ចជូនមន្ត្រីរាជការ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានសម្រេចប្រគល់ភារកិច្ចជូនលោក ម៉ី ឌឿន អត្ថលេខ០១៥៤ វរអគ្គានុរក្សថ្នាក់លេខ០១ ឲ្យចូលកាន់មុខតំណែងជាប្រធានពន្ធនាគារខេត្តព្រះសីហនុ ជំនួសលោក សំ សុផល ដែលត្រូវបានចូលនិវត្តន៍៕
ចែករំលែកព័តមាននេះ