ខេត្តកំពង់ឆ្នាំង ៖ តាមសេចក្តីរាយការណ៍បឋមរបស់អធិការដ្ឋាននគរបាលស្រុកទឹកផុស ខេត្តកំពង់ឆ្នាំងបានឲ្យដឹងថា មានករណីពុលនំប៉័ងសម្លការី បណ្តាលឲ្យមនុស្សចំនួន៥នាក់ ក្នុងនោះភាគច្រើនជាកុមារ ហើយត្រូវបានដឹកទៅសង្គ្រោះនៅមណ្ឌលសុខភាព និងបន្តដឹកមកមន្ទីរពេទ្យខេត្តកំពង់ឆ្នាំងបន្តទៀត ។…
ខេត្តកំពង់ឆ្នាំង ៖ តាមសេចក្តីរាយការណ៍បឋមរបស់អធិការដ្ឋាននគរបាលស្រុកទឹកផុស ខេត្តកំពង់ឆ្នាំងបានឲ្យដឹងថា មានករណីពុលនំប៉័ងសម្លការី បណ្តាលឲ្យមនុស្សចំនួន៥នាក់ ក្នុងនោះភាគច្រើនជាកុមារ ហើយត្រូវបានដឹកទៅសង្គ្រោះនៅមណ្ឌលសុខភាព និងបន្តដឹកមកមន្ទីរពេទ្យខេត្តកំពង់ឆ្នាំងបន្តទៀត ។ ហេតុការណ៍នេះបានកើតឡើងនៅវេលាល្ងាចថ្ងៃទី២៨ ខែឧសភា ឆ្នាំ២០១៨ នៅភូមិស្រែរបង ឃុំជៀប ស្រុកទឹកផុស ។
ប្រភពដដែលបានបន្តថា ជនរងគ្រោះទាំង៥នាក់មានទី១- ឈ្មោះ ហ៊ន វង , ទី២ – ឈ្មោះឌី ចាន់ថា , ទី៣ – ឈ្មោះ សារ៉េត សុលី , ទី៤ – ឈ្មោះសារ៉េត សុលៀង ,និងទី៥- ឈ្មោះ សារ៉េត សុលាប ។
នៅព្រឹកថ្ងៃទី២៩ ខែឧសភា ឆ្នាំ២០១៨ លោក ខែម វិបុល អធិការនគរបាលស្រុកទឹកផុស បានប្រាប់ថា ពិតជាមានករណីពុលនំប៉័ងសម្លការីពិតមែន ដោយប្រជាពលរដ្ឋនៃគ្រួសារខាងលើបានរៀបធ្វើពិធីជប់លៀង ពេលកូនចៅប្រឡងជាប់បានចេញទៅធ្វើការនៅប្រទេសកូរ៉េ ។
ដោយឡែកប្រភពពីមន្ទីរពេទ្យបង្អែកខេត្តកំពង់ឆ្នាំងវិញ លោក សូរិន្ទ ទីរ៉ាវុឌ្ឍី ប្រធានមន្ទីរពេទ្យបានបញ្ជាក់នៅម៉ោង៧ និង១៣នាទីព្រឹកថ្ងៃទី២៩ ខែឧសភានេះថា អ្នករងគ្រោះ ដោយសារពុលយកពីឃុំជៀប ស្រុកទឹកផុស មានចំនួនកើនឡើង១៣នាក់ហើយ ។
ជុំវិញបញ្ហានេះ យើងមិនទាន់អាចសុំការបំភ្លឺពីមន្ត្រីនៃមន្ទីរសុខាភិបាលបានទេ តែព័ត៌មានលំអិតនឹងបន្តផ្សាយជូននៅទំព័រកសែតកោះសន្តិភាព ។
ចែករំលែកព័តមាននេះ