ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា កម្មការិនីប្រមាណជិត២០០នាក់ បានដួលសន្លប់ជាបន្តបន្ទាប់ ហេតុការណ៍នេះកើតឡើងកាលពីព្រឹកថ្ងៃទី២៨ ឧសភា នៅចំណុចរោងចក្រស្តារីត ( ក្នុងតំបន់ឃ្យូ.អឹម Q.M.I ) តាមបណ្តោយផ្លូវជាតិលេខ៤ ស្ថិតក្នុងភូមិត្រយឹង ឃុំពើក ស្រុកអង្គស្នួល។
បើតាមលោកវរសេនីយ៍ មាន សំណាង អធិការស្រុកអង្គស្នួលអះអាងថា មូលហេតុដែលបណ្តាលឱ្យក្រុមកម្មករ និងកម្មការីនីដួលសន្លប់នោះ គឺដោយសារមកពីមានធុំក្លិនផ្សាដែកនៅរោងចក្រមួយទៀតជាប់គ្នា ហើយក្រុមកម្មករទាំងនោះ ត្រូវបានបញ្ជូនទៅកាន់មន្ទីរពេទ្យ និងមណ្ឌលសុខភាព ដើម្បីសង្គ្រោះបន្ទាន់ហើយ។
ដោយឡែក ប្រភពព័ត៌មានបានឲ្យដឹងថា ដោយសារតែរោងចក្រនៅជិតនោះ មានក្លិនថ្នាំភាយចូលមកពីរោងចក្រនៅជិតនោះ ទើបធ្វើឱ្យក្រុមកម្មករដួលសន្លប់ ។ ក្រោយពីក្រុមកម្មករទាំងនោះដួលសន្លប់ខាងរោងចក្របានបញ្ជូនទៅសង្គ្រោះនៅមន្ទីរពេទ្យអស់ហើយ។
សូមបញ្ជាក់ថា រោងចក្រ ស្តារីត ( ក្នុងតំបន់ឃ្យូ.អឹម Q.M.I ) ខាងលើមានកម្មករសរុបប្រមាណ១០០០ នាក់៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ