បើសិនជាកូនរបស់អ្នកអាចសម្របខ្លួនទៅនឹងរបៀបរស់នៅដែលមានភាពសកម្មតាំងពីក្មេងហើយ ពួកគេទំនងជាមិនងាយទៅជាធាត់ជ្រុលនៅពេលធំឡើយនោះទេ ។ ក្មេងម្នាក់ក្នុងចំណោមក្មេង៣នាក់គឺធាត់ ឬធាត់ជ្រុលហើយ ។ បច្ចុប្បន្ននេះក្មេង និងយុវវ័យចំណាយពេលវេលាជាមធ្យម៧ម៉ោងក្នុងមួយថ្ងៃក្នុងការមើលទូរទស្សន៍ ប្រើកុំព្យូទ័រ លេងទូរស័ព្ទ និងឧបករណ៍អេឡិចត្រូនិក ផ្សេងៗទៀតជាការកម្សាន្តយ ។
យកល្អក្នុងនាមជាឪពុកម្តាយ គួរតែលើកទឹកចិត្តឲ្យកូនរបស់ខ្លួនមានសកម្មភាពរាងកាយកាន់តែច្រើនដូចខាងក្រោមនេះ៖
•ស្វែងរកសកម្មភាពរាងកាយណាមួយដែលស័ក្តិសមសម្រាប់វ័យរបស់កូនអ្នកចូលចិត្តលេង ឬចូលរួម ។
•រៀបចំគម្រោងទុកជាមុន និងបង្កើតពេលវេលាដើម្បីហាត់ប្រាណ ។
•ផ្តល់ឲ្យកូនអ្នកនូវឧបករណ៍ ឬសម្ភារៈលេងដែលមានសុវត្ថិភាព និងសំខាន់ៗ ។
•ផ្តល់ឲ្យគេលេងនូវរបស់លេងដែលមានសកម្មភាពដូចជា បាល់ និងខ្សែលោត ។
•ធ្វើជាគម្រូរសម្រាប់ពួកគេ និងដឹកនាំរបៀបរស់នៅដែលសកម្ម ។
•លេងជាមួយកូនអ្នកនៅពេលកូនអ្នកចេះលេងកីឡាថ្មីមួយ ។
•កាត់បន្ថយការមើលទូរទស្សន៍ កុំព្យូទ័រ និងប្រើប្រាស់ទូរស័ព្ទមិនឲ្យច្រើនជាងពីរម៉ោងក្នុងមួយថ្ងៃ ៕
ស្រង់ពីគេហទំព័រសុខភាព
ចែករំលែកព័តមាននេះ