ខេត្តកណ្តាល ៖ ករណីគ្រោះថ្នាក់ចរាចរណ៍មួយ ដែលបានកើតឡើងគួរឱ្យរន្ធត់ ដោយរថយន្តម៉ាក Hyundai បុកជាមួយរថយន្ត HILUX VIGO ចំពាក់កណ្តាលរថយន្តយ៉ាងពេញទំហឹង…
ខេត្តកណ្តាល ៖ ករណីគ្រោះថ្នាក់ចរាចរណ៍មួយ ដែលបានកើតឡើងគួរឱ្យរន្ធត់ ដោយរថយន្តម៉ាក
Hyundai បុកជាមួយរថយន្ត HILUX VIGO ចំពាក់កណ្តាលរថយន្តយ៉ាងពេញទំហឹង ទីបំផុត ធ្វើឱ្យ
មានមនុស្សស្លាប់២នាក់(កូនក្មេង) និងរបួសធ្ងន់-ស្រាល៤នាក់ (មនុស្សចាស់) ។ ហេតុការណ៍នេះ កើតឡើងនៅវេលាម៉ោង០៣ និង៣០នាទីរសៀល ស្ថិតនៅចំណុចផ្លូវបែកជាបួន លើផ្លូវ៦០ម៉ែត្រ ក្នុងភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល ។
សមត្ថកិច្ចបានឱ្យដឹងថា ក្មេងទាំង២នាក់ បានស្លាប់នៅមន្ទីរពេទ្យចំនួន២នាក់ ១-ឈ្មោះបាន សុខសិលា ភេទប្រុស អាយុ០៩ខែ និង២-ឈ្មោះសាន ថៃឡុង ភេទប្រុស អាយុ០៣ឆ្នាំ ។ ដោយឡែក មនុស្សចាស់ដែលរងរបួសធ្ងន់និងស្រាល ១-ឈ្មោះប៉ុន វាសនា ភេទប្រុស អាយុ៣១ឆ្នាំ មានទីលំនៅភូមិត្រពាំងអំពិល ឃុំត្រពាំងគង់ ស្រុកសំរោងទង ខេត្តកំពង់ស្ពឺ ២-ឈ្មោះស្រេង ស្រីនូ ភេទស្រី អាយុ៣២ឆ្នាំ មានទីលំនៅក្នុងភូមិដំណាក់សង្កែ សង្កាត់ព្រែកកំពិស ខណ្ឌដង្កោ រាជធានីភ្នំពេញ និង៣-ឈ្មោះលុច្ស អាយុ៣ឆ្នាំ និង៤-ជាអ្នករួមដំណើរ១នាក់ទៀត មិនស្គាល់ឈ្មោះ ។
ប្រភពបន្តទៀតថា គ្រោះថ្នាក់ចរាចរណ៍នេះ គឺរវាងរថយន្ត ម៉ាកHyundai ពណ៌.ស ពាក់ស្លាកលេខ ព្រះសីហនុ 3A-0830 អ្នកបើកបរ មិនស្គាល់អត្តសញ្ញាណ (គេចបាត់) បើកបរក្នុងទិសដៅពីលិច មកកើតក៏បានជ្រុលចង្កូតទៅបុករថយន្តម៉ាកHILUX VIGO ពណ៌ទឹកមាស ពាក់ស្លាកលេខភ្នំពេញ 2N-4733 បើកក្នុងទិសដៅពីត្បូងទៅជើងចំពាក់កណ្តាលរថយន្តតែម្តង ។ ចំពោះមូលហេតុ គឺមកពីអ្នកបើកបររថយន្តHyundai បើកបរខ្វះការប្រុងប្រយ័ត្ន ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ