ខេត្តព្រះសីហនុ ៖ កាលពីវេលាម៉ោង០៦និង៤៥នាទីយប់ ថ្ងៃទី២៥ ខែឧសភា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើងលើដងផ្លូវជាតិលេខ៤ ចន្លោះគីឡូ២១១-២១២ ស្ថិតក្នុងភូមិពូធឿង ឃុំបិតត្រាំង បង្កឡើងដោយរថយន្ត១គ្រឿងម៉ាកឡិចស៊ីស RX-300 ពាក់ស្លាកលេខ ភ្នំពេញ ២AR-១៦៤០ ពណ៌ទឹកមាស ដែលបើកបរទិសដៅពីភ្នំពេញទៅកាន់កំពង់សោម អ្នកបើកបរឈ្មោះ សុង ប៉ាវ ភេទប្រុស អាយុ៤៥ឆ្នាំ ជនជាតិចិន ស្នាក់នៅបណ្ដោះអាសន្នភូមិ-ឃុំរាម ។
លុះមកដល់ចំណុចខាងលើបានបុកពីក្រោយម៉ូតូមួយគ្រឿងម៉ាកស្មាស់ ពណ៌ខ្មៅ ពាក់ស្លាកលេខ ព្រះសីហនុ ១D-០១០៥ បណ្តាលឱ្យភាគីខាងម៉ូតូរងរបួសធ្ងន់ចំនួន០៣នាក់មានទី១-ឈ្មោះ សោម ឃឿន ភេទប្រុស អាយុ៦០ឆ្នាំ រងរបួសធ្ងន់, ទី២-ឈ្មោះ ឃួន លុន ភេទស្រី អាយុ៥៨ឆ្នាំ ត្រូវជាប្រពន្ធ រងរបួសធ្ងន់ និងទី៣-ឈ្មោះ ឃឿន ចាន់លាភ ភេទប្រុស អាយុ៥ឆ្នាំ ត្រូវជាចៅ រងរបួសធ្ងន់ អ្នកទាំងបីមានទីលំនៅចំណុចកើតហេតុខាងលើ ត្រូវបានបញ្ជូនទៅសង្គ្រោះនៅពេទ្យ៨៨៨ ខេត្តព្រះសីហនុ រីឯអ្នកបើកបររថយន្តត្រូវបានសមត្ថកិច្ចឃាត់ខ្លួនបញ្ជូនទៅកាន់ការិយាល័យនគរបាលចរាចរណ៍ផ្លូវគោកខេត្តព្រះសីហនុ ៕
ចែករំលែកព័តមាននេះ