ខេត្តបន្ទាយមានជ័យ ៖ អ្នកដំណើរ និងមហាជនឈរមើលព្រោងព្រៀតតាមដងផ្លូវជាតិ ខណៈមេគោមួយក្បាលត្រូវនគរបាលចរាចរណ៍នៃអធិការដ្ឋាននគរបាលក្រុងប៉ោយប៉ែតចាប់យកទៅរក្សាទុកដើម្បីឲ្យម្ចាស់ចេញមុខ និងទទួលការអប់រំមិនត្រូវលែងសត្វឲ្យដើរពាសវាលពាសកាលតទៅទៀត ព្រោះអាចបង្កគ្រោះថ្នាក់ចរាចរណ៍ដល់អ្នកដំណើរតាមផ្លូវ ។ ហេតុការណ៍ខាងលើបានកើតឡើងនៅព្រឹកថ្ងៃទី២៥ ឧសភា…
ខេត្តបន្ទាយមានជ័យ ៖ អ្នកដំណើរ និងមហាជនឈរមើលព្រោងព្រៀតតាមដងផ្លូវជាតិ ខណៈមេគោមួយក្បាលត្រូវនគរបាលចរាចរណ៍នៃអធិការដ្ឋាននគរបាលក្រុងប៉ោយប៉ែតចាប់យកទៅរក្សាទុកដើម្បីឲ្យម្ចាស់ចេញមុខ និងទទួលការអប់រំមិនត្រូវលែងសត្វឲ្យដើរពាសវាលពាសកាលតទៅទៀត ព្រោះអាចបង្កគ្រោះថ្នាក់ចរាចរណ៍ដល់អ្នកដំណើរតាមផ្លូវ ។
ហេតុការណ៍ខាងលើបានកើតឡើងនៅព្រឹកថ្ងៃទី២៥ ឧសភា ២០១៨ លើដងផ្លូវជាតិលេខ៥ ម្តុំអតីតស្រះសួគ៌ ។
តាមប្រភពបានឱ្យដឹងថា មេគោមួយក្បាលខាងលើត្រូវបាននគរបាលចរាចរចងខ្សែដឹកពីខាងមុខ ហើយមានសមត្ថកិច្ចជិះម៉ូតូ និងរថយន្តសារ៉ែនអមពីក្រោយជួយដេញបន្ថែមដើម្បីឲ្យមេគោនោះដើរលឿន ។
នគរបាលចរាចរក្រុងប៉ោយប៉ែតប្រាប់តាមទូរស័ព្ទថា ដោយសារមេគោមួយក្បាលខាងលើដើរឆ្លងទៅឆ្លងមកហើយបង្កជាក្តីបារម្ភដល់អ្នកដំណើរ ម្យ៉ាងទៀតធ្វើឲ្យកកស្ទះចរាចរណ៍ផងនោះ ទើបសមត្ថកិច្ចដេញចាប់យកទៅរក្សាទុក ដើម្បីទប់ស្កាត់ជាមុនកុំឱ្យមានបញ្ហាកើតឡើង ។
លោកវរសេនីយ៍ឯកធិន ស៊ិនដេត អធិការនគរបាលក្រុងប៉ោយប៉ែតប្រាប់ថា នេះជាលើកទី៣ហើយដែលកម្លាំងក្រោមឱវាទរបស់លោកបានចាប់ហ្វូងគោដើរ និងដេកតាមដងផ្លូវយ៉ាងអាណាធិបតេយ្យដែលម្ចាស់តែងតែលែងចោល ។ ទោះជាបែបណា លោកអធិការបានប្រាប់ថា ការចាប់គោរក្សាទុកនេះគឺគ្រាន់តែចង់ឲ្យម្ចាស់ចេញមុខមកទទួលការអប់រំ និងធ្វើកិច្ចសន្យាបញ្ឈប់ការលែងគោឲ្យដើរយ៉ាងអាណាធិបតេយ្យតទៅទៀត ពោលរាល់ការលែងសត្វពាហនៈត្រូវមានអ្នកគង្វាលឲ្យបានត្រឹមត្រូវ៕
ចែករំលែកព័តមាននេះ