ខេត្តសៀមរាប ៖ នាថ្ងៃទី២២ ខែឧសភា ឆ្នាំ២០១៨ ក្រុមការងារបានចុះត្រួតពិនិត្យ អាវុធយុទ្ធភ័ណ្ឌ កំពុងប្រើប្រាស់នៅអធិការដ្ឋាននគរបាលស្រុកស្វាយលើ និង បានប្រមូលដឹកជញ្ជូនអាវុធកែច្នៃ ពីស្រុកស្វាយលើ ដែលបងប្អូនប្រជាពលរដ្ឋបានយកមកប្រគល់ជូនសមត្ថកិច្ចយើងចំនួន៣២ដើម ។
ប្រភពពីសមត្ថកិច្ចស្រុកស្វាយលើបានប្រាប់ថា ដោយអនុវត្តតាមការណែនាំពីសំណាក់លោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្ត និងដើម្បីធានាលើការគ្រប់គ្រង់ និងប្រើប្រាស់បានល្អនៅអាវុធយុទ្ធភ័ណ្ឌដែលកងកម្លាំងនគរបាលកំពុងរក្សាទុក និងប្រើប្រាស់ក្នុងកិច្ចការពារបង្ការទប់ស្កាត់ និងបង្ក្រាបបទល្មើសរក្សាសនិ្តសុខសុវត្ថិភាព និងសណ្តាប់ធ្នាប់សង្គមជូនប្រជាពលរដ្ឋឲ្យបានកាន់តែល្អប្រសើរឡើងថែមទៀត ។
ប្រភពបានបន្តថា កម្លាំងការិយាល័យគ្រប់គ្រង អាវុធគ្រឿងផ្ទុះជាតិពុល នៃស្នងការដ្ឋាននគរបាលខេត្ត បានចុះត្រួតពិនិត្យអាវុធដែលកំពុងប្រើប្រាស់នៅតាមបណ្តាការិយាល័យជំនាញ និងអធិការដ្ឋាននគរបាលក្រុង ស្រុក ចំណុះស្នងការខេត្ត ជាពិសេសនៅអធិការនគរបាលស្រុកស្វាយលើដែលត្រូវប្រមូលដឹកជញ្ជូនអាវុធកែច្នៃពីបងប្អូនប្រជាពលរដ្ឋបានយកមកប្រគល់ជូនសមត្ថកិច្ចយើងចំនួន៣២ដើមមានប្រភេទដូចខាងក្រោម B 40កន្លះ ចំនួន១ដើម, B41ចំនួន១ដើម, CKC ចំនួន៤ដើម, M.DSAVIT ២ដើម, កាំភ្លើងព្រៃចំនួន១៥ដើម, កាំភ្លើងខ្យល់៩ដើម ដើម្បីយកមករក្សាទុកក្នុងឃ្លាំងគ្រប់គ្រង់ អាវុធយុទ្ធភ័ណ្ឌនៅស្នងការដ្ឋាននគរបាលខេត្តក្នុងការរក្សាសុវត្ថិភាពឱ្យបានល្អផងដែរ ៕
ចែករំលែកព័តមាននេះ