ដល់ទៅ៤កញ្ចប់ ហើយម្តងនេះបានទាំងអាវុធទៀត!
- កណ្តាល
ខេត្តកណ្តាល ៖ កម្លាំងនគរបាលស្រុកស្អាង បើកប្រតិបត្តិការបង្ក្រាបករណីជួញដូរគ្រឿងនៅរសៀលថ្ងៃទី២២ ខែឧសភា ឆ្នាំ២០១៨ មួយករណីនៅផ្ទះឈ្មោះ ពុំ ចាន់រ៉ា ស្ថិតក្នុងភូមិកំពង់ពោធិ៍…
ខេត្តកណ្តាល ៖ កម្លាំងនគរបាលស្រុកស្អាង បើកប្រតិបត្តិការបង្ក្រាបករណីជួញដូរគ្រឿងនៅរសៀលថ្ងៃទី២២ ខែឧសភា ឆ្នាំ២០១៨ មួយករណីនៅផ្ទះឈ្មោះ ពុំ ចាន់រ៉ា ស្ថិតក្នុងភូមិកំពង់ពោធិ៍ ឃុំក្រាំងយ៉ូវ ស្រុកស្អាង ខេត្តកណ្តាល ។
លោកវរសេនីយ៍ សេង សុជាតិ អធិការនគរបាលស្រុកស្អាងបានឱ្យដឹងថា ជនសង្ស័យឈ្មោះ ពុំ ចាន់រ៉ា ហៅ សុខនី ហៅម៉ឺន(គេចខ្លួន) ភេទប្រុស អាយុ៣៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិ កំពង់ពោធិ៍ ឃុំក្រាំងយ៉ូវ ស្រុកស្អាង ខេត្តកណ្តាល ។
តាងចាប់យករួមមាន ម្សៅក្រាមពណ៌សថ្លា សង្ស័យថា ជាសារធាតុញៀន (ម៉ាទឹកកក) ចំនួន០៤កញ្ចប់ ក្នុងនោះធំ០១កញ្ចប់ , តូច៣កញ្ចប់ និងថង់វេចខ្ចប់មួយចំនួន, មានអាវុធវែងកែច្នៃចំនួន០១ដើម ។
លោកអធិការបន្តថា មុនពេលបង្ក្រាបករណីជួញដូរគ្រឿងញៀនខាងលើ កម្លាំងនគរបាលស្រុកស្អាងបានទទួលព័ត៌មានពីប្រជាពលរដ្ឋល្អថា មានករណីជួញដូរគ្រឿងញៀននៅចំណុចកើតហេតុខាងលើ ។
ភ្លាមនោះកម្លាំងផ្នែកប្រឆាំងបទល្មើសគ្រឿងញៀនសហការជាមួយកម្លាំងប៉ុស្តិ៍នគរបាលរដ្ឋបាលក្រាំងយ៉ូវ និងលោកមេភូមិកំពង់ពោធិ៍បានចុះដល់ចំណុចកើតហេតុ ប៉ុន្តែជនសង្ស័យឈ្មោះពុំ ចាន់រ៉ា បានគេចខ្លួនបាត់ មុនសមត្ថកិច្ចទៅដល់ ។
សមត្ថកិច្ចបានត្រួតពិនិត្យឆែកឆេរលំនៅដ្ឋានរបស់ឈ្មោះពុំ ចាន់រ៉ា បានរកឃើញម្សៅក្រាមពណ៌សថ្លាសង្ស័យជាសារធាតុញៀន(ម៉ាទឹកកក) ចំនួន០៤កញ្ចប់ (ធំ០១កញ្ចប់ , តូច០៣កញ្ចប់) និងអាវុធវែងកែច្នែ ចំនួន០១ដើមនៅលើផ្ទះ ។
បច្ចុប្បន្នកម្លាំងផ្នែកប្រឆាំងបទល្មើសគ្រឿងញៀននៃអធិការដ្ឋាននគរបាលស្រុកស្អាងកំពុងប្រមូលផ្តុំសំណុំរឿងតាមនីតិវីធី ៕
ចែករំលែកព័តមាននេះ