ឧកញ៉ា អូស្មាន ហាស្សាន់ ចែកអំណោយមូលនិធិនៅសង្កាត់ច្រាំងចំរេះ
- ភ្នំពេញ
រាជធានីភ្នំពេញ ៖ លោកឧកញ៉ា អូស្មាន ហាស្សាន់នាព្រឹកថ្ងៃទី២២ ខែឧសភា ឆ្នាំ២០១៨ បាននាំយកអំណោយរបស់មូលនិធិ TDV នៃក្រសួងកិច្ចការសាសនាប្រទេសតួកគី…
រាជធានីភ្នំពេញ ៖ លោកឧកញ៉ា អូស្មាន ហាស្សាន់នាព្រឹកថ្ងៃទី២២ ខែឧសភា ឆ្នាំ២០១៨ បាននាំយកអំណោយរបស់មូលនិធិ TDV នៃក្រសួងកិច្ចការសាសនាប្រទេសតួកគី…
រាជធានីភ្នំពេញ ៖ លោកឧកញ៉ា អូស្មាន ហាស្សាន់នាព្រឹកថ្ងៃទី២២ ខែឧសភា ឆ្នាំ២០១៨ បាននាំយកអំណោយរបស់មូលនិធិ TDV នៃក្រសួងកិច្ចការសាសនាប្រទេសតួកគី សហការជាមួយអង្គការមូលនិធិអភិវឌ្ឍន៍មុស្លិមកម្ពុជា ទៅចែកជូនដល់ប្រជាពលរដ្ឋក្នុងសង្កាត់ច្រាំងចំរេះទី១ និងច្រាំងចំរេះទី២ ចំនួន២៥០គ្រួសារ សម្រាប់ដោះស្រាយការទទួលទាននាពេលស្រាយបួសរ៉ាម៉ាឌនរបស់សាសនាអ៊ិស្លាម ។
តាមការបញ្ជាក់ពីលោក ណុះ ស្លេះ អនុរដ្ឋលេខាធិការក្រសួងអប់រំ យុវជន និងកីឡា ដែលជាសមាជិកអង្គការមូលនិធិអភិវឌ្ឍន៍មុស្លិមកម្ពុជា ទទួលរ៉ាប់រងទំនាក់ទំនងផ្នែកគម្រោងនានាជាមួយដៃគូតួកគីបានឱ្យដឹងថា សម្រាប់ពិធីបួសរ៉ាម៉ាឌនឆ្នាំ២០១៨នេះ មូលនិធិ TDV បានឧបត្ថម្ភជូនគ្រួសារខ្មែរអ៊ិស្លាមក្រីក្រ សរុបចំនួន១.២៥០គ្រួសារ គិតជាទឹកប្រាក់សរុប ៣៤.២៣៧,៥០ដុល្លារអាមេរិក ។ អំណោយនេះ សម្រាប់ចែកជូនដល់ប្រជាពលរដ្ឋនៅក្នុងខេត្តចំនួន៥ ក្នុងនោះរាជធានីភ្នំពេញ២៥០គ្រួសារ ខេត្តកំពង់ឆ្នាំង២៥០គ្រួសារ ខេត្តកំពង់ធំ២៥០គ្រួសារ ខេត្តបាត់ដំបង២៥០គ្រួសារ និងខេត្តកំពត២៥០គ្រួសារ ។ ក្រៅពីនោះ តំបន់នីមួយៗក៏ទទួលបានកញ្ចប់ថវិការួមសម្រាប់ព្រះវិហារចំនួន៩៧៥ដុល្លារផងដែរ ។
លោកឧកញ៉ា អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គការមូលនិធិអភិវឌ្ឍន៍មុស្លិមកម្ពុជា បានថ្លែងថា នេះជាលើកទី៦ហើយ ដែលអង្គការរបស់លោកចាប់ដៃជាមួយរដ្ឋាភិបាលតួកគី ក្នុងការប្រតិបត្តិកម្មវិធីមនុស្សធម៌ទៅកាន់សហគមន៍កម្ពុជា ។ ក្រៅពីជំនួយផ្នែកកញ្ចប់អាហារគ្រឿងទេស ក៏មានការផ្តល់គោ សម្រាប់ពិធីបូជាក្នុងបុណ្យហាជ្ជ និងការផ្តល់អាហារូបករណ៍ដល់និស្សិតខ្មែរទៅបំពេញការសិក្សានៅប្រទេសតួរគីជាដើម ។
លោកឧកញ៉ា អូស្មាន ហាស្សាន់ បន្តទៀតថា ដើម្បីចូលរួមដោះស្រាយរាល់តម្រូវការរបស់សហគមន៍ មូលនិធិបស់លោកក៏បានធ្វើកិច្ចសហការជាមួយស្ថាប័នរដ្ឋ និងអង្គការសប្បុរសធម៌អន្តរជាតិជាច្រើនប្រទេសដូចជា ម៉ាឡេស៊ី សិង្ហបុរី ប្រ៊ុយណេ បណ្តាប្រទេសអារ៉ាប់ អាល្លឺម៉ង់ និងបារាំងជាដើម ។
លោកឧកញ៉ាបន្តថា សមិទ្ធផលគ្រប់បែបយ៉ាងដែលយើងទទួលបានពីអង្គការដៃគូ គឺកើតឡើងដោយមានការយកចិត្តទុកដាក់ខ្ពស់ពីប្រមុខរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលជានិច្ចកាលបានផ្តល់ភាពងាយស្រួល និង បើកទូលាយការពង្រឹងទំនាក់ទំនងជាមួយអង្គការ និងប្រទេសដៃគូជាមិត្ត ក្នុងគោលបំណងពង្រឹងសេដ្ឋកិច្ច ការអភិវឌ្ឍ និងកាត់បន្ថយភាពក្រីក្រជូនប្រជាពលរដ្ឋ ៕
ចែករំលែកព័តមាននេះ