ខេត្តកំពង់ឆ្នាំង ៖ ផ្ទះឈើ១ខ្នងត្រូវបានអគ្គីភ័យឆាបឆេះទាំងស្រុងដោយសារតែផ្ទុះកំប៉ុងហ្គាស ។ ហេតុការណ៍នេះបានកើតឡើងនៅវេលាម៉ោង៩និង៣០នាទីយប់ ថ្ងៃទី២០ ខែឧសភា ឆ្នាំ២០១៨ នៅភូមិទួលរការ ឃុំមេលំ…
ខេត្តកំពង់ឆ្នាំង ៖ ផ្ទះឈើ១ខ្នងត្រូវបានអគ្គីភ័យឆាបឆេះទាំងស្រុងដោយសារតែផ្ទុះកំប៉ុងហ្គាស ។ ហេតុការណ៍នេះបានកើតឡើងនៅវេលាម៉ោង៩និង៣០នាទីយប់ ថ្ងៃទី២០ ខែឧសភា ឆ្នាំ២០១៨ នៅភូមិទួលរការ ឃុំមេលំ ស្រុកបរិបូរណ៍ ខេត្តកំពង់ឆ្នាំង ។
សមត្ថកិច្ចមូលដ្ឋានបានឱ្យថា ម្ចាស់ផ្ទះរងគ្រោះខាងលើមានឈ្មោះ ជាម សុជាតិ ភេទប្រុស អាយុ៤៨ឆ្នាំ ។ ចំណែកផ្ទះដែលត្រូវអគ្គីភ័យឆេះខ្ទេចទាំងស្រុងមានទំហំ៤គុណនឹង៥ម៉ែត្រ ធ្វើពីឈើ ប្រក់ស័ង្កសី បាំងជញ្ជាំងស្លឹក និងក្រាលក្តា ។
ចំពោះមូលហេតុគឺមកពីផ្ទុះកំប៉ុងហ្កាសដែលដាក់ជិតចង្ក្រានដាំបាយពេលម្ចាស់ផ្ទះដាក់ចោល ហើយនាំគ្នាទៅមើលទូរទស្សន៍ផ្ទះគេ ។ ក្នុងហេតុការនោះដែររថយន្តពន្លត់អគ្គីភ័យរបស់នគរបាលស្រុកបរិបូរណ៍ក៏បានចេញអន្តរាគមន៍ជួយពន្លត់ដែរតែមិនអាចជួយបានឡើយ ដោយសារអគ្គីភ័យឆេះផ្ទះនោះលឿនពេក ព្រោះជាផ្ទះស្លឹកហើយរថយន្តបានត្រឹមតែជួយបាញ់ទឹកការពារមិនឱ្យរាលដាល់ទៅផ្ទះអ្នកជិតខាងតែប៉ុណ្ណោះ ។
ចំពោះការខូតមានផ្ទះ១ខ្នង ស្រូវ៥ថាំង និង៤ការ៉ុង, ព្រមទាំងសម្ភារក្នុងផ្ទះទាំងអស់គ្មានសេសសល់អ្វីឡើយ ។ ក្នុងហេតុការណ៍នេះមិនបណ្តាលឱ្យមានមនុស្សណាម្នាក់រងគ្រោះថ្នាក់នោះទេ ៕
ចែករំលែកព័តមាននេះ