រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា រថយន្តដែលជិះដេញបុកប្អូនធម៌ពាក់មី(តារាសិល្បៈ) ត្រូវបានសមត្ថកិច្ចនគរបាលខណ្ឌឬស្សីកែវដកហូតបានហើយ ដែលមានស្លាកលេខភ្នំពេញ ២AP-០១៩៨ កាលពីវេលាល្ងាចថ្ងៃទី២០ ខែឧសភា ឆ្នាំ២០១៨ នៅផ្ទះជនសង្ស័យ ដែលមានទីតាំងនៅក្នុងបុរីវិមានភ្នំពេញ សង្កាត់ច្រាំងចម្រះទី១ ខណ្ឌឬស្សីកែវ ។
សេចក្តីរាយការណ៍បន្តថា ជនសង្ស័យត្រូវបានគេស្គាល់ឈ្មោះថា វ៉ាល់ សុវណ្ណមករា ហៅគី ភេទប្រុស អាយុ៣២ឆ្នាំ ជាជនជាតិខ្មែរអ៊ីស្លាម ជានគរបាលចរាចរណ៍ក្រុង ដែលអះអាងថា គេជាមន្ត្រីនគរបាលចរាចរណ៍នៅស្នងការរាជធានីភ្នំពេញ ។
ដោយឡែកជនរងគ្រោះវិញមានឈ្មោះ សាលីមហ្វារីត ភេទប្រុស អាយុ២១ឆ្នាំ ជានិស្សិតអាយធីឆ្នាំទី៤ ត្រូវជាប្អូនថ្លៃពាក់មី ។
ទាក់ទិននឹងការដករថយន្តនេះនគរបាលហាក់ដូចជា បិទបាំងនៅសំនួរអ្នកព័ត៌មានសួរនាំ ដោយសារខ្លាចត្រូវមាត់មេ ។
តាមព័ត៌មានបានឲ្យដឹងទៀតថា កើតហេតុនៅវេលាម៉ោងប្រមាណជាជិត១០យប់ថ្ងៃទី១០ ខែឧសភានេះ ស្ថិតនៅផ្លូវ៥៩៨ កែងចូលអាងទឹក ក្នុងសង្កាត់អាងចម្រះទី២ ខណ្ឌឬស្សីកែវ ។
ព័ត៌មានបន្តថា មុនកើតហេតុជនរងគ្រោះជិះម៉ូតូមួយគ្រឿង ផ្លូវជាតិលេខ៥ លុះមកដល់ចំណុចផ្លូវរថភ្លើងជនសង្ស័យក៏ចុះស៊ីផ្លេរថយន្តឲ្យបើកផ្លូវ តែជនរងគ្រោះមិនដឹងថា គាត់លឺក៏មិនលឺដែរទេ ស្រាប់តែដល់ផ្លូវចូលអាងទឹកជនរងគ្រោះក៏បានឈប់ម៉ូតូសុំទោស ហើយខាងជនសង្ស័យនិយាយថា បាច់សុំទោសទេ ហើយថែមទាំងគម្រាមថា អែងពេលបើកម៉ូតូចេញទៅបើកឡានដេញបុក ។ នៅពេលនោះជនរងគ្រោះក៏បានជិះម៉ូតូចេញទៅ ហើយរថយន្តនោះក៏បានបើកដេញបុកមែន បន្ទាប់មកជនរងគ្រោះក៏បានជិះទៅបុកផ្ទះប្រជាពលរដ្ឋ និងបណ្តាលឲ្យមានរបួសធ្ងន់ ។
តាមព័ត៌មានបានបន្តថា ស្ថានភាពជំងឺជនរងគ្រោះវិញគាត់ទៅព្យាបាលនៅកាល់ម៉ែត ហើយថ្ងៃទី១៩ ចាកចេញទៅវៀតណាម ។
បញ្ជាក់ ៖ ជនរងគ្រោះអនាគតត្រូវជាប្អូនថ្លៃលោកពាក់មី (អ្នកសិល្បៈ) តែឡូវមិនទាន់ទេ គ្រាន់តែចាស់ៗគ្រោងទុក ហើយរាប់អានគ្នា ៕
ចែករំលែកព័តមាននេះ