ទិវាជាតិនៃចងចាំ ពិតជាមានសារៈសំខាន់សម្រាប់ប្រជាជនកម្ពុជាទាំងមូល
- ស្វាយរៀង
ខេត្តស្វាយរៀង ៖ នាព្រឹកថ្ងៃអាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែឧសភា…
ខេត្តស្វាយរៀង ៖ នាព្រឹកថ្ងៃអាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែឧសភា…
ខេត្តស្វាយរៀង ៖ នាព្រឹកថ្ងៃអាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែឧសភា ឆ្នាំ២០១៨ នេះ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានអញ្ជើញជាអធិបតី ក្នុងពិធីប្រារព្ធខួប “ទិវាជាតិនៃការចងចាំ” ស្ថិតនៅបរិវេណស្តូបគោរពវិញ្ញាណខន្ធ ភូមិតាណរ សង្កាត់ស្វាយតឿ ក្រុងស្វាយរៀង ខេត្តស្វាយរៀង។ ក្នុងនោះក៏ការអញ្ជើញចូលរួមពីលោកជំទាវ ដួង វណ្ណា លោកជំទាវ ឈុន សារឹម អ្នកតំណាងរាស្ត្រមណ្ឌលស្វាយរៀង ឯកឧត្តម ជុំ ហាត ប្រធានក្រុមប្រឹក្សាខេត្ត ឯកឧត្តម ម៉ែន វិបុល អភិបាល នៃគណៈអភិបាលខេត្ត លោកប្រធានមន្ទី អង្គភាពនានាជុំវិញខេត្ត ប្រជាពលរដ្ឋ សិស្ស និស្សិត ព្រះសង្ឃ និងកងកម្លាំងប្រដាប់អាវុធទាំងបីសរុបចំនួន១១៦៨អង្គ/នាក់។
គួរបញ្ជាក់ផងដែរថា ពិធីនេះពិតជាមានខ្លឹមសារសំខាន់ៗខ្លាំងណាស់ ព្រោះបានរំលឹកនូវប្រវត្តិសាស្ត្រ ជូរចត់របស់ប្រជាជនកម្ពុជាក្រោមរបបកម្ពុជាប្រជាធិបតេយ្យ ហើយក៏ជាសារមួយនៃការចងចាំ ដល់ប្រជាពលរដ្ឋកម្ពុជាផងដែរ ដែរក្នុងនោះរួមមាន៖ ១.ចងចាំជានិច្ចនូវសោកនាដ្យកម្មរយៈពេល៣ឆ្នាំ ៨ខែ និង២០ថ្ងៃ ដែលបានប្រព្រឹត្តឡើងដោយពួកប្រល័យពូជសាសន៍ប៉ុលពតមកលើប្រទេសកម្ពុជា។ ២. ដឹងគុណជានិច្ចដោយមិនអាចបំភ្លេចបាននូវទិវាជ័យជម្នះ៧មករា១៩៧៩ ដែលជាថ្ងៃរំដោះប្រជាជនកម្ពុជា ទូទាំងប្រទេសឱ្យរស់រានមានជីវិតឡើងវិញ។
៣.ប្រែក្លាយស្មារតីចងកំហឹងឈឺចាប់ទៅជាការខិតខំ ប្រឹងប្រែង ការពារ ស្ថាបនាមាតុភូមិកម្ពុជាឱ្យកាន់តែសម្បូរសប្បាយ និងរីកចម្រើនរុងរឿងជានិរន្តន៍។ ៤.ពង្រឹងពង្រីកសាមគ្គីភាពផ្ទៃក្នុងឱ្យរឹងមាំ និងប្តេជ្ញាឈរលើគោលនយោបាយរបស់គណបក្ស ប្រជាជនកម្ពុជា ព្រមទាំងត្រៀមខ្លួនជានិច្ចចូលរួម និងអនុវត្តសំដៅការពារឯករាជ្យ សន្តិភាព ប្រជាធិបតេយ្យ អព្យាក្រឹត និងវឌ្ឍនភាពសង្គម។ ៥.ប្រឆាំងដាច់ខាតចំពោះពួកជ្រុលនិយម មួយចំនួនដែលល្មោភអំណាច និងបំភ្លៃប្រវត្តិសាស្ត្រពិសេសទិវាជ័យជម្នះ៧មករា៕
ចែករំលែកព័តមាននេះ