សារព័ត៌មានបរទេសកាលពីពេល ថ្មីៗកន្លងមកផ្សាយថា ឆ្នាំមុនអង្គការឃ្លាំមើលការហោះហើរ និងអវកាសជាតិសហរដ្ឋអាមេរិក ឬ «NASA» បានបញ្ជាក់ថាផែនដីរបស់យើងមានដួងចន្ទមួយដួងទៀតដែលគោចរនៅជុំវិញផែនដី មានឈ្មោះ«2016 HO3» ។ ដួងចន្ទនេះមិនចាត់ទុកថាជាដួងចន្ទបែបធម្មជាតិទេ និងនៅឆ្ងាយពីផែនដី អាចមិនគ្រោះថ្នាក់ដល់ផែនដី ។ ចាត់ទុកវាជាផ្កាយព្រះគ្រោះតូចមានទំហំពាក់កណ្ដាលផែនដី ខុសពីដួងចន្ទបច្ចុប្បន្នមានលក្ខណៈជាធម្មជាតិ និងជាបរិវាររបស់ផែនដី ។
កាលពីពេល ថ្មីៗកន្លងមក ក្រុមអ្នកតារាសាស្ត្រនៅប្រទេសអុីស្រាអែល អាល្លឺម៉ង់ និងអូទ្រីសបានរួមគ្នាបញ្ជាក់ពីគោលគំនិត ថ្មីៗថាប្រវត្តិសាស្ត្រកន្លងមករបស់ផែនដីយើងអាចមានបរិវារពិតរបស់ផ្កាយព្រះគ្រោះ«Natural satellite» និងមានដួងចន្ទ តូចៗជាច្រើនដួងបានគោចរនៅជុំវិញ ប៉ុន្តែនៅសល់តែមួយដួងដែលឃើញសព្វថ្ងៃព្រោះវាគ្មានកម្លាំងទំនាញ ។
ក្រុមអ្នកវិទ្យាសាស្ត្របញ្ជាក់បន្តទៀតថា ពួកគេបានបង្កើតរូបសិប្បនិមិត្តនៃការបុកគ្នារវាងផែនដី និងដួងផ្កាយនានានៅក្នុងសម័យបុរាណ ដោយរូបសិប្បនិមិត្តនោះធ្វើឲ្យអ្នកវិទ្យាសាស្ត្រជឿថាកន្លងមកធ្លាប់មានដួងចន្ទមួយចំនួនបុកគ្នាបង្កឲ្យបែកជា ចម្រៀកៗ ហើយក៏ប្រមូលផ្ដុំគ្នាក្លាយជាដួងចន្ទតែមួយបានគោចរនៅជុំវិញផែនដីបច្ចុប្បន្ននេះ ៕
ចែករំលែកព័តមាននេះ