តុលាការសម្រេចឃុំខ្លួន ចោរលួចគាស់ផ្ទះលួចទូរស័ព្ទបានជិត១០០គ្រឿង
- កណ្តាល
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក ទី សំណាង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួន…
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក ទី សំណាង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួន…
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក ទី សំណាង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួន ចោរលួចគាស់ទូរស័ព្ទបានជិត១០០គ្រឿងនៅក្រុងតាខ្មៅ ដាក់ពន្ធនាគារបណ្តោះអាសន្ន ពីបទ”លួចមានស្ថានទម្ងន់ទោស” ដែលប្រព្រឹត្តនៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃទី១០ ខែឧសភា ឆ្នាំ២០១៨ តាមមាត្រា៣៥៣ និងមាត្រា៣៥៧ នៃក្រមព្រហ្មទណ្ឌ។ បទល្មើសនេះកំណត់ផ្តន្ទាទោសពី៣(បី)ឆ្នាំ ទៅ១០(ដប់)ឆ្នាំ។ ជនត្រូវចោទទី០១,ឈ្មោះ ម៉ៅ វិទូ ភេទប្រុស អាយុ២៣ឆ្នាំ ស្នាក់នៅផ្ទះជួល ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ ទី០២,ឈ្មោះ គី ប៊ុនអេង ភេទប្រុស អាយុ៣៣ឆ្នាំ ស្នាក់នៅផ្ទះជួល ភូមិ១សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ។
ចំណែកជនរងគ្រោះមានឈ្មោះ ចេប ចាន់រី ភេទប្រុស អាយុ៣១ឆ្នាំ មុខរបរលក់ទូរស័ព្ទ ចំណុចភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។ សមត្ថកិច្ចអាវុធហត្ថ បានឲ្យដឹងថា នៅថ្ងៃទី១៣ ខែឧសភា ឆ្នាំ២០១៨ កម្លាំងកងរាជអាវុធហត្ថ បានចាប់ជនសង្ស័យឈ្មោះ គី ប៊ុនអេង ភេទប្រុស អាយុ៣៣ឆ្នាំ ស្នាក់នៅផ្ទះជួល ភូមិ១សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ ត្រង់នៅចំណុចស្ពានដែក ភូមិឫស្សី សង្កាត់ស្ទឹងមានជយ័៣ ខណ្ឌមានជ័យ រាជធានីភ្នំពេញ ព្រមទាំងម៉ូតូមួយគ្រឿងម៉ាក Honda dream C125 ពណ៌ខ្មៅ ស៊េរី២០១៤ ស្លាកលេខ ភ្នំពេញ 1CG-1272 និងទូរស័ព្ទចំនួន៤គ្រឿង។ នៅចំពោះមុខសមត្ថកិច្ចកងរាជអាវុធហត្ថ ជនសង្ស័យ បានឆ្លើយសារភាពថា ឈ្មោះ ម៉ៅ វិទូ ភេទប្រុស អាយុ២៣ឆ្នាំ ស្នាក់នៅផ្ទះជួល ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ ជាអ្នកធ្វើសកម្មភាពចូលកាត់សោ និងគាស់ផ្ទះចូលយកទូរស័ព្ទប្រមាណជិត១០០គ្រឿង យកមកចែកគ្នា រួចនាំគ្នាគេចខ្លួនជាបន្ទាប់រហូតដល់ត្រូវសមត្ថកិច្ចឃាត់ខ្លួន។
សមត្ថកិច្ចអាវុធហត្ថបន្តថា លុះនៅថ្ងៃទី១៥ ខែឧសភា ឆ្នាំ២០១៨ កម្លាំងកងរាជអាវុធហត្ថខេត្តកណ្តាល និងអាវុធហត្ថរាជធានីភ្នំពេញ បានឃាត់ខ្លួនជនសង្ស័យឈ្មោះ ម៉ៅ វិទូ ភេទប្រុស អាយុ២៣ឆ្នាំ នៅចំណុចផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ព្រមទាំងដកហូតទូរស័ព្ទ១គ្រឿង។ រួចបន្តចុះឆែកឆេរបន្ទប់ជួលរបស់ជនសង្ស័យឈ្មោះ គី ប៊ុនអេង ចំនួន២បន្ទប់ នៅចំណុចភូមិលេខ១ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ រកឃើញវត្ថុតាងរួមមាន ៖ ទូរសព្ទ័ដៃចំនួន៤៤គ្រឿង ម៉ាក IPhoneចំនួន២គ្រឿង ម៉ាក Samsung ចំនួន១គ្រឿង ម៉ាក Huawei ចំនួន១៥គ្រឿង ម៉ាក Hiya ចំនួន៥ គ្រឿង ម៉ាក Moto ចំនួន៣គ្រឿង ម៉ាក Camfone ចំនួន៤គ្រឿង ម៉ាក Nokia អ៊ិនចុចពិល ចំនួន ៦ គ្រឿង Nokei ថាច់២គ្រឿង ម៉ាក Meizu ចំនួន៥គ្រឿង និងម៉ាក Telego ១ គ្រឿង។
លុះវេលាម៉ោង៨យប់ ថ្ងៃទី១៥ ខែឧសភា ឆ្នាំ២០១៨ កម្លាំងជំនាញខេត្តកណ្តាល ស្រុកអង្គស្នួល និងអាជ្ញាធរដែនដី បានធ្វើការឃាត់ខ្លួនជនសង្សយ័ពីរនាក់បន្ថែមទៀត ១/ឈ្មោះ ស្រី ចាន់រ៉ា ភេទស្រី អាយុ៣៤ឆ្នាំ មុខរបរមេផ្ទះ (អតីតប្រពន្ធជនសង្ស័យ គី ប៊ុនអេង) ពីបទទទួលផលចោរកម្ម ២/ឈ្មោះ ចំរើន រតនា ភេទប្រុស អាយុ៣០ឆ្នាំ មុខរបរកម្មករ (ប្តីចុង) ករណីរក្សាទុក និងប្រើប្រាស់គ្រឿងញៀន ជាក់ស្តែង នៅចំណុចផ្ទះជួល បន្ទប់លេខBO 04 ភូមិថ្នល់ទទឹងឃុំ ដំណាក់អំពិល ស្រុកអង្គស្នួល ខេត្តកណ្តាល។
គួររំលឹកថាកាលពីវេលាម៉ោង៩ និង៣០នាទីយប់ ថ្ងៃព្រហស្បតិ៍១១រោច ខែពិសាខ ឆ្នាំច សំរឹទ្ធិសក័ ព.ស២៥៦២ ត្រូវនឹងថ្ងៃទី១០ ខែឧសភា ឆ្នាំ២០១៨ ចំណុចភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល នៅផ្ទះជនរងគ្រោះឈ្មោះ ចេប ចាន់រី ភេទប្រុស អាយុ៣១ឆ្នាំ មុខរបរលក់ទូរស័ព្ទ ត្រូវបានចោរគាស់ផ្ទះចូលលួចយកទូរស័ព្ទដៃប្រហែល៩០គ្រឿង គិតជាទឹកប្រាក់ប្រហែល ១៣.០០០ដុល្លារ បាត់បង់ប្រាក់រៀល១លាន៥០ម៉ឺនរៀល ប្រាក់ដុល្លារប្រហែល៧០ដុល្លារ សរុបជាទឹកប្រាក់ប្រមាណ ១៣.៥០០ដុល្លារ។ មុនពេលកើតហេតុ ជនរងគ្រោះបានចាក់សោផ្ទះចោល រួចនាំគ្នាទាំងគ្រួសារទៅចូលរួមមង្គលការបងប្រុសរបស់ខ្លួននៅភូមិស្ទឹងជ្រៅ សង្កាត់ព្រែកឫស្សី ក្រុងតាខ្មៅ។ លុះដល់វេលាម៉ោងប្រហែល ១១ និង១០នាទីថ្ងៃដដែល ជនរងគ្រោះបានត្រឡប់មកផ្ទះវិញ ឃើញសភាពរាយប៉ាយក្នុងផ្ទះ ទើបដឹងថា មានចោរចូលលួចទ្រព្យសម្បត្តិក្នុងផ្ទះ ទើបគាត់រាយការណ៍មកសមត្ថកិច្ចកងរាជអាវុធហត្ថក្រុងតាខ្មៅតែម្តង៕
ចែករំលែកព័តមាននេះ