គួរឲ្យអាសូរក្មេងស្រីណាស់ ត្រូវឪពុកចុងចាប់រំលោ.ភ
- កណ្តាល
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក សាយ សម្ភស្សសេរី ចៅក្រមស៊ើបសួរសលាដំបូងខេត្តកណ្តាល បានសម្រេចចេញដីកាឃុំខ្លួន…
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក សាយ សម្ភស្សសេរី ចៅក្រមស៊ើបសួរសលាដំបូងខេត្តកណ្តាល បានសម្រេចចេញដីកាឃុំខ្លួន ឪពុករំលោភកូនចុង នៅក្នុងចេតិយ ដាក់ពន្ធនគារបណ្តោះអាសន្ន ពីបទ”រំលោភសេពសន្ថវៈមានស្ថានទម្ងន់ទោស” ដែលប្រព្រឹត្តនៅភូមិស្រះពោធិ ឃុំភ្នំបាត ស្រុកពញាឮ ខេត្តកណ្តាល កាលពីថ្ងៃទី១៦ ខែឧសភា ឆ្នាំ២០១៨ តាមមាត្រា២៤០ នៃក្រមព្រហ្មទណ្ឌ។ បទល្មើសនេះកំណត់ផ្តន្ទាទោសពី ប្រាំពី(៧)ឆ្នាំ ទៅដប់ប្រាំ(១៥)ឆ្នាំ។ ជនត្រូវចោទមានឈ្មោះ ហង្ស វ៉ន ហៅតួ ភេទប្រុស អាយុ៣១ឆ្នាំ ជនជាតិខ្មែរ មុខរបរកម្មករសំណង់ មានទីលំនៅស្នាក់នៅភូមិស្រះពោធិ ឃុំភ្នំបាត ស្រុកពញាឮ ខេត្តកណ្តាល។ ចំណែកឯក្មេងស្រីរងគ្រោះមានឈ្មោះ (ជ.ម.ត) ភេទស្រី អាយុ៨ឆ្នាំ ជនជាតិខ្មែរ មុខរបរនៅផ្ទះ មានទីលំនៅភូមិស្រះពោធិឃុំភ្នំបាត ស្រុកពញាឮ ខេត្តកណ្តាល។
នគរបាលស្រុកពញាឮបានឲ្យដឹងថា នៅអំឡុងចុងឆ្នាំ២០១៧ ជនសង្ស័យ និងប្រពន្ធមានកូនបង្កើត និងកូនចុងបាននាំគ្នាទៅដើររើស អេតចាយនៅក្រុងភ្នំពេញជិតវត្តមហាមន្ត្រី ឆ្លៀតពេលដែលប្រពន្ធដើររើសអេតចាយបាត់ ជនសង្ស័យដែលជាឪពុកចុងបាននាំក្មេងស្រីរងគ្រោះចូលក្នុងចេតិយក្នុងវត្តមហាមន្ត្រីហើយបានចាប់ស្រាតខោក្មេងស្រីរងគ្រោះរួចធ្វើសកម្មភាពចាប់រំលោភ បានចំនួន០១លើករហូតបានសម្រេច និងបានគំរាមមិនឲ្យប្រាប់ម្តាយទេ។ នៅថ្ងៃទី៧ ខែមេសា ឆ្នាំ២០១៨ វេលាម៉ោងប្រហែល៧យប់ មុនចូលឆ្នាំខ្មែរ ជនសង្ស័យបាននាំជនរងគ្រោះជាកូនចុងដើរទៅក្បែរផ្ទះចាស់ដែលគេធ្វើទុកចោល នៅក្បែរព្រៃខាងក្រោយភូមិ ហើយបាននិយាយលួងលោមធ្វើសកម្មភាពចាប់រំលោភក្មេងស្រីរងគ្រោះ បានសម្រេចម្តងទៀត។
លុះមកដល់ថ្ងៃទី២ ខែឧសភា ឆ្នាំ២០១៨ វេលាម៉ោងប្រហែលជាង៨យប់ ឆ្លៀតពេលដែលប្រពន្ធមិននៅផ្ទះដើរទៅមើលគេលេងបៀរបាត់ ជនសង្ស័យក៏បានចូលទៅក្នុងផ្ទះខ្លួន ហើយឃើញក្មេងស្រីរងគ្រោះកំពុងដេកលើគ្រែជាមួយប្អូនៗខ្លួនបានស្ទាបអង្អែល ហើយចាប់ស្រាតខោរួចធ្វើសកម្មភាពចាប់រំលោភ រហូតបានសម្រេចម្តងទៀត។ រហូតដល់ថ្ងៃទី១៦ ខែឧសភា ឆ្នាំ២០១៨ វេលាម៉ោង៨ព្រឹក ក្មេងស្រីរងគ្រោះបានទៅលាងចានឲ្យឈ្មោះ ផាន់ លក្ខិណា ភេទស្រី នៅក្នុងភូមិជាមួយគ្នា ហើយខ្លួនក៏បាននិយាយរៀបរាប់ប្រាប់ឈ្មោះ ផាន់ លក្ខិណា ពីសកម្មភាពឪពុកចុងឈ្មោះ ហង្ស វ៉នហៅតួ ចាប់រំលោភខ្លួនបានសម្រេចចំនួន៣ដង។ បន្ទាប់មកឈ្មោះ ផាន់ លក្ខិណា ដែលជាអ្នកជិតខាងក៏បាននាំក្មេងស្រីរងគ្រោះ ហើយមកដាក់ពាក្យបណ្តឹងមកសមត្ថកិច្ចប៉ុស្តិ៍នគរបាលភ្នំបាតតែម្តង៕
ចែករំលែកព័តមាននេះ