កញ្ចាស់តណ្ហាបំផ្លាញអនាគតចៅស្រី២នាក់ ត្រូវបានឃុំខ្លួន
- កណ្តាល
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក គឹម ម៉េង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួន…
ខេត្តកណ្តាល ៖ នៅល្ងាចថ្ងៃទី១៧ ខែឧសភា ឆ្នាំ២០១៨ លោក គឹម ម៉េង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួន បុរសវ័យចំណាស់ម្នាក់ដែលមានចិត្តតិរិច្ឆានចាប់រំលោភចៅស្រីខ្លួនឯង២នាក់បានសម្រេច ហើយគំរាមកាត់ដៃកាត់ជើងបើហ៊ានប្រាប់គេពីបទ “រំលោភសេពសន្ថវៈ លើអនីតិជន” ដែលប្រព្រឹត្តនៅ ភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល កាលពីថ្ងៃទី១៦ ខែឧសភា ឆ្នាំ២០១៨ តាមមាត្រា២៤១ នៃក្រមព្រហ្មទណ្ឌ។ បទល្មើសនេះកំណត់ផ្តន្ទាទោសពី ប្រាំពី(៧)ឆ្នាំ ទៅដប់ប្រាំ(១៥)ឆ្នាំ។ ជនត្រូវចោទឈ្មោះ ឌឹម សុខឿន ហៅគ្រូអឿន ភេទប្រុស អាយុ៦១ឆ្នាំ មានទីលំនៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល។
ចំណែកឯ ជនរងគ្រោះ០២នាក់ទី០១ឈ្មោះ (ណ.ត.ល.ហ) ភេទស្រី អាយុ១០ឆ្នាំ មុខរបរសិស្ស និងទី០២ឈ្មោះ (ណ.ត.ល) ភេទស្រី អាយុ៦ឆ្នាំ មុខរបរសិស្ស។ សមត្ថកិច្ចបានបន្តថា នៅមុនពេលកើតហេតុ ត្រូវនឹងទី១៦ ខែឧសភា ឆ្នាំ២០១៨ វេលាម៉ោង១២យប់ នៅក្នុងផ្ទះជនសង្ស័យ ស្ថិតនៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល ជនរងគ្រោះ ២នាក់បងប្អូនបានដេកនៅផ្ទះជាមួយជីតា ហើយឪពុកម្តាយរវល់ធ្វើការនៅភ្នំពេញ លុះពេលដល់ម៉ោងកើតហេតុខាងលើជនសង្ស័យត្រូវជាជីតា បានធ្វើសកម្មភាពចាប់រំលាភជនរងគ្រោះទី១ឈ្មោះ(ណ.ត.ល.ហ)បានស្រែកថាឈឺណាស់ហើយជនសង្ស័យបានប្រាប់ថា កុំមាត់ប្រយ័ត្នអញវ៉ៃ?
ប្រឹងចាប់រំលោភរហូតបានសម្រេច បើប្រាប់ម៉ែ? អញកាត់ដៃកាត់ជើងង៉ែងឱ្យដើរសុំទានគេ និងចាប់រំលាភទាំង២នាក់បងប្អូនតែម្តង។ ក្រោយពីកើតហេតុជនរងគ្រោះត្រូវជាចៅបានប្រាប់ម្តាយឱ្យដឹងពីរឿងហេតុ រួចមកម្តាយបានទៅដាក់ ពាក្យប្តឹងនៅប៉ុស្តិ៍រដ្ឋបាលដីឥដ្ឋឈានចុះទៅធ្វើការឃាត់ខ្លួនយកទៅអធិការស្រុកកៀនស្វាយដើម្បីសួរនាំ។ នៅចំពោះមុខសមត្ថកិច្ចជនសង្ស័យសារភាពថា ខ្លួនពិតជាបានប្រព្រឹត្តសកម្មភាពចាប់រំលាភមកលើជនរងគ្រោះត្រូវជាចៅពិតប្រាកដមែន៕
ចែករំលែកព័តមាននេះ