ខេត្តតាកែវ ៖ នៅថ្ងៃទី១៧ ខែឧសភា ឆ្នាំ២០១៨ សាខាកាំកុងត្រូលខេត្តតាកែវ មន្ទីរពាណិជ្ជកម្មខេត្ត បានចុះត្រួតពិនិត្យចំណីអាហារ និងផ្សព្វផ្សាយតាមសាលារៀននានាមានវិទ្យាល័យសម្តេច ជា ស៊ីម តាកែវ និងសាលាបឋមសិក្សារ អនុវិទ្យាល័យ វិទ្យាល័យសម្តេចអគ្គមហាសេនាបតីតេជោ ហ៊ុន សែន ។
លោក ប៉ោ លាងគង់ ប្រធានសាខាកាំកុងត្រូលខេត្តបានឱ្យ កោះសន្តិភាព យើងដឹងថា ជាលទ្ធផលដែលយើងចុះមកត្រួតពិនិត្យនេះរួមមាន បានធ្វើតេស្តបឋមលើសាច់ប្រហិត ត្រី ក្តាម បង្គារ សាច់គោ និងរឹបអូសទំនិញហួសកាលបរិច្ឆេទរួមមាន ៖ ទឹកក្រូចកូកា១៤ដបធំ, គ្រាប់ផ្កា ឈូករត្នចំនួន៥៨កញ្ចប់, នំកញ្ចប់ស្រួយក្មេងចំនួន១៦ប្រអប់ ក្រោយពីរឹបអូសរួចមន្ត្រីជំនាញកាំកុងត្រូលបានយកទៅដុតកម្ទេចចោលផងដែរ ។
លោក ប៉ោ លាងគង់ ប្រធានសាខាកាំកុងត្រូលខេត្តក៏បានធ្វើការអំពាវនាវដល់ប្រជាពលរដ្ឋយើងទាំងអស់នៅពេលទិញម្ហូប ឬចំណីអាហារគ្រប់ប្រភេទ សូមមេត្តាត្រួតពិនិត្យឱ្យបានម៉ដ្ឋចត់បំផុត ព្រោះតែនាពេលបច្ចុប្បន្ននេះមានអាជីវករមួយចំនួនដើម្បីប្រយោជន៍ផ្ទាល់ខ្លួនបានលក់ចំណី អាហា ឬបន្លែផ្លែឈើគ្រប់ប្រភេទដោយមានសារធាតុគីមី ហើយចំណីអាហារ ឬបន្លែផ្លែឈើទាំងនោះនៅពេលយើងយកទៅទទួលវាបានធ្វើឱ្យប៉ះពាល់ដល់សុខភាពបំផុតដូច្នេះសូមបងប្អូនមានការប្រុងប្រយ័ត្នខ្ពស់នៅលើបញ្ហានេះ ៕
ចែករំលែកព័តមាននេះ