ខេត្តព្រៃវែង ៖ បុរសម្នាក់បានស្លាប់បាត់បង់ជីវិត ដោយសារតែធ្លាក់ពីលើផ្ទះកម្ពស់៣ម៉ែត្រកន្លះ ហើយក្រុមគ្រួសារមិនបានយកទៅព្យាបាលនៅមន្ទីរពេទ្យ ដោយគិតថា ជនរងគ្រោះស្រវឹងស្រាទើបសន្លប់ លុះព្រឹកឡើងស្លាប់ទើបនាំគ្នាយំស្រែក ។ ហេតុការណ៍នេះបានកើតឡើងកាលពីវេលាម៉ោង៦ព្រឹក…
ខេត្តព្រៃវែង ៖ បុរសម្នាក់បានស្លាប់បាត់បង់ជីវិត ដោយសារតែធ្លាក់ពីលើផ្ទះកម្ពស់៣ម៉ែត្រកន្លះ ហើយក្រុមគ្រួសារមិនបានយកទៅព្យាបាលនៅមន្ទីរពេទ្យ ដោយគិតថា ជនរងគ្រោះស្រវឹងស្រាទើបសន្លប់ លុះព្រឹកឡើងស្លាប់ទើបនាំគ្នាយំស្រែក ។ ហេតុការណ៍នេះបានកើតឡើងកាលពីវេលាម៉ោង៦ព្រឹក ថ្ងៃទី១៦ ឧសភា នៅផ្ទះជនរងគ្រោះដែលស្ថិតក្នុងភូមិតាគាត់ ឃុំសំរោង ស្រុកស្វាយអន្ទរ ខេត្តព្រៃវែង ។
ជនរងគ្រោះខាងលើមានឈ្មោះ សៅ បុត្រ ភេទប្រុស អាយុ៥២ឆ្នាំ ។
ប្រភពព័ត៌មានពីសមត្ថកិច្ចបានឲ្យដឹងថា កាលល្ងាចថ្ងៃទី១៥ ខែឧសភានេះ ជនរងគ្រោះបានទៅផឹកស៊ីជាមួយមិត្តភក្តិក្នុងភូមិរហូតដល់ម៉ោង៩យប់ ពេលដែលស្រវឹងជោគជាំក៏ត្រឡប់ទៅផ្ទះវិញ ហើយបានឡើងទៅលើផ្ទះដេក តែដោយក្នុងផ្ទះស្អុះពេក ជនរងគ្រោះក៏ដើរទៅបើកទ្វាផ្ទះ ( ទ្វាខាងក្រោយ ) ដើម្បីឲ្យមានខ្យល់ចូល ហើយក៏ភ្លាត់ធ្លាក់ចុះមកដីកម្ពស់៣ម៉ែត្រកន្លះ បណ្តាលឲ្យចុកសន្លប់បាត់មាត់ឈឹងតែម្តង ។
ភ្លាមៗនោះក្រុមគ្រួសារបានលើកជនរងគ្រោះយកទៅដាក់ឲ្យដេកនៅលើផ្ទះវិញ និងបានយកប្រេងខ្យល់មកលាបរឹតឲ្យជនរងគ្រោះ តែមិនយកទៅពេទ្យនោះទេ ដោយគិតថា ជនរងគ្រោះមិនកើតអីគ្រាន់តែសន្លប់ដោយសារស្រវឹង ព្រឹកឡើងស្វាងលែងអីហើយ តែមិនដូចការគិតឯណា ព្រឹកឡើងជនរងគ្រោះមិនព្រមក្រោកសោះក៏នាំគ្នាទៅដាស់ទើបដឹងថា ជនរងគ្រោះស្លាប់ ហើយក៏មានការផ្អើលឆោឡោតែម្តង ៕
ចែករំលែកព័តមាននេះ