ប្រទេសឥណ្ឌូណេស៊ី ៖ ប៉ូលិសឥណ្ឌូណេស៊ីប្រកាសថា បានសម្លាប់បុរស៤នាក់កាលពីថ្ងៃទី១៦ ឧសភា ក្រោយពីរងការវាយប្រហាររបស់ពួកគេ ជាមួយដាវសាមូរៃនៅឯទីចាត់ការប៉ូលិស ក្រុងPEKANBARUខេត្តRIAUលើកោះស៊ូម៉ាត្រា។
ប៉ូលិសបន្តថា បុរសម្នាក់ក្នុងចំណោមបុរសទាំង៤នាក់ នៅជាប់ខ្លួនគេមានរបស់ម្យ៉ាងហាក់ដូចជាគ្រាប់បែកមួយ។ បុរសម្នាក់ទៀតត្រូវចាប់ខ្លួន។ ពួកគេបានជិះរថយន្តកាំមីញ៉ុងធុនតូច១គ្រឿងចូលទីចាត់ការប៉ូលិស មុនពេលចេញវាយប្រហារ។ អ្នកវាយប្រហារ៤នាក់ ត្រូវប៉ូលិសបាញ់សម្លាប់។
ទីភ្នាក់ងារព័ត៌មានផ្លូវការរបស់ប្រទេស ANTANA រៀបរាប់ថា អ្នកកាសែតម្នាក់ដែលស្ថិតនៅទីចាត់ការប៉ូលិសក៏រងរបួសក្នុងការវាយប្រហារនេះដែរ។
រូបភាពទាំងឡាយផ្សាយតាមទូរទស្សន៍ បង្ហាញបុរសម្នាក់ ដេកដួលលើដីជាមួយដាវសាម៉ូរៃវែងមួយនៅក្បែរគេ។ ប៉ូលិស៣នាក់រងរបួស ហើយម្នាក់ក្រោយមកស្លាប់នៅមន្ទីរពេទ្យ។
ការវាយប្រហារថ្មីនេះកើតមាន ក្រោយការវាយប្រហារអត្តឃាតមួយចំនួន រយៈពេលប៉ុន្មានថ្ងៃចុងក្រោយនេះនៅទីក្រុងស៊ូរ៉ាបាយ៉ាជាទីក្រុងធំទី២របស់ប្រទេស៕
ចែករំលែកព័តមាននេះ