ទីក្រុងបាងកក ៖ ការវិនិយោគសាធារណៈមិនទៀងទាត់បានធ្វើឲ្យប្រទេសថៃតាមមិនទាន់ប្រទេសផ្សេងទៀត ដែលមានសេដ្ឋកិច្ចលូតលាស់យ៉ាងលឿននៅអាស៊ីអាគ្នេយ៍ ហើយវិធានការរបស់រដ្ឋាភិបាលបានធ្វើឲ្យភ្នាក់ងាររដ្ឋកាន់តែលំបាកក្នុងការចំណាយឆ្នាំនេះ ។ ការវិនិយោគលើគម្រោងសាធារណៈបានធ្លាក់ចុះ៥%ក្នុង២ត្រីមាសចុងក្រោយនេះ ព្រោះតែវិធានការកាលពីឆមាសទី២ ឆ្នាំ២០១៧ ។…
ទីក្រុងបាងកក ៖ ការវិនិយោគសាធារណៈមិនទៀងទាត់បានធ្វើឲ្យប្រទេសថៃតាមមិនទាន់ប្រទេសផ្សេងទៀត ដែលមានសេដ្ឋកិច្ចលូតលាស់យ៉ាងលឿននៅអាស៊ីអាគ្នេយ៍ ហើយវិធានការរបស់រដ្ឋាភិបាលបានធ្វើឲ្យភ្នាក់ងាររដ្ឋកាន់តែលំបាកក្នុងការចំណាយឆ្នាំនេះ ។
ការវិនិយោគលើគម្រោងសាធារណៈបានធ្លាក់ចុះ៥%ក្នុង២ត្រីមាសចុងក្រោយនេះ ព្រោះតែវិធានការកាលពីឆមាសទី២ ឆ្នាំ២០១៧ ។
វាបានកាត់បន្ថយជំនួយដល់សេដ្ឋកិច្ច ខណៈការលូតលាស់សេដ្ឋកិច្ចចាប់ផ្តើមផ្លាស់ប្តូរកាលពីចុងឆ្នាំមុន និងដាក់សម្ពាធដល់រដ្ឋាភិបាលលោកនាយករដ្ឋមន្ត្រី ប្រាយុទ្ធ ចាន់អូចា ផងដែរ ។
ក្រសួងហិរញ្ញវត្ថុព្យាករថា សេដ្ឋកិច្ចថៃនៅឆ្នាំ២០១៨នេះ នឹងលូតលាស់បាន៤,២% ប៉ុន្តែអ្នកវិភាគគិតថា ការវិនិយោគសាធារណៈធ្លាក់ចុះ គឺអាចធ្ងន់ធ្ងរជាងអ្វីដែលក្រសួងនេះបានរំពឹងទុក ។
លោក Jaturong Jantarangs ជំនួយការប្រធានធនាគារជាតិ បានព្រមានកាលពីខែមុនថា ការចំណាយក្នុងវិស័យសាធារណៈអន់ថយ អាចនឹងបន្តដល់ត្រីមាសទី៣ ឆ្នាំនេះ ។
វាជាមូលហេតុធ្វើឲ្យវិនិយោគិនចៀសវាងក្រុមហ៊ុនសាងសង់ ទោះជាមានគម្រោងហេដ្ឋារចនាសម្ព័ន្ធច្រើនក្តី។
គម្រោងសាធារណៈត្រូវបានពន្យារពេល ព្រោះតែបញ្ហាទាក់ទងនឹងការដេញថ្លៃ និងការសិក្សា ដែលមួយផ្នែកមកពីការប្រុងប្រយ័ត្ន ។
ដើម្បីរក្សាដំណើរការ លោកនាយករដ្ឋមន្ត្រី ប្រាយុទ្ធ ចាន់អូចា បានចេញអនុក្រឹត្យដូចដែលបានធ្វើកាលពីខែមិថុនាឆ្នាំមុន ដើម្បីឆ្លងផុតឧបសគ្គផ្លូវច្បាប់ និងបច្ចេកទេស សម្រាប់គម្រោងផ្លូវរថភ្លើងល្បឿនលឿនពីក្រុងបាងកកទៅកាន់ខេត្តភាគឦសាន Nakhon Ratchasima ។
ប្រទេសថៃមានគម្រោងហេដ្ឋារចនាសម្ព័ន្ធដឹកជញ្ជូនចំនួន២០គម្រោង ស្មើប្រមាណ២៣ប៊ីលានដុល្លារកំពុងស្ថិតក្រោមការសាងសង់ និងមាន១៥គម្រោងទៀតកំពុងរង់ចាំ ឬស្ថិតក្នុងដំណាក់កាលដេញថ្លៃ ៕
ចែករំលែកព័តមាននេះ