រាជធានីភ្នំពេញ ៖ បុរសម្នាក់ខណៈចូលទៅកោសជប់ ហើយនិយាយត្រូវគ្នាជាមួយអ្នកកោសជប់វ៉ៃសិចរួចរាល់ហើយ ក៏បង់លុយឱ្យគ្រប់ចំនួន ។ លុះពេលជិះម៉ូតូចេញទៅវិញចាក់សាំងទើបដឹងថាបាត់លុយអស់៨ម៉ឺនរៀលក៏ត្រឡប់មកវិញ សួរនាំស្ត្រីម៉ាស្សារូបនោះ តែនាងប្រកែកថា មិនបានយកទេ ទាល់តែសមត្ថកិច្ចមកជួយអន្តរាគមន៍ ទើបព្រមឱ្យលុយគ្រប់ចំនួនវិញ ។
ហេតុការណ៍នេះ កើតឡើងកាលពីវេលាម៉ោង0២ និង៣០នាទីរំលងអធ្រាត្រឈានចូលថ្ងៃទី១៥ ឧសភា នៅផ្ទះម៉ាស្សា កោសជប់មួយ ស្ថិតតាមផ្លូវទំនប់កប់ស្រូវ ភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ។ បុរសម្នាក់ដែលសុំមិនបញ្ចេញឈ្មោះនិយាយថា នៅយប់នោះដោយសារមិនសូវស្រួលខ្លួន គាត់
ក៏ចូលទៅកោសជប់នៅផ្ទះម៉ាស្សាយីហោ១៦៨ ក្នុងតម្លៃ៣ដុល្លារ ។ ពេលចូលក្នុងបន្ទប់កោសជប់ ស្ត្រីម៉ាស្សាបានឱ្យគាត់ដោះសម្លៀកបំពាក់ព្យួរនៅជញ្ជាំង រួចឱ្យគាត់ស្លៀកកន្សែងហើយឱ្យដេកផ្កាប់មុខដើម្បីកោសជប់ ។
ខណៈកំពុងដេកផ្កាប់មុខកោសជប់នោះ ស្រាប់តែមានសំឡេងគោះទ្វារ ហើយស្ត្រីម៉ាស្សាខាងលើបានដើរចេញទៅ ឯគាត់មិនបានចាប់អារម្មណ៍មើលទៅស្ត្រីម៉ាស្សានោះទេ គឺនៅតែដេកផ្កាប់មុខដដែល ។ បន្ទាប់មក ទើបស្ត្រីម៉ាស្សានោះចូលមកកោសបន្តទៀត ហើយគាត់ក៏បានសួរថាវ៉ៃសិចអត់0x017d7 ស្ត្រីម៉ាស្សានោះឆ្លើយថា វ៉ៃសិចតើបង តែថែមលុយចំនួន៦ម៉ឺនរៀលទៀត ហើយគាត់បានសុំចុះត្រឹម៥ម៉ឺនរៀល ស្ត្រីរូបនោះក៏យល់ព្រម ។ ពេលកោសជប់រួចរាល់ហើយ ក៏បានបើកប្រតិបត្តិការទៅលេងឋានសួគ៌រហូតបានសម្រេច ហើយក៏ឱ្យលុយទៅស្ត្រីម៉ាស្សាដូចដែលបាននិយាយចរចាគ្នា ប៉ុន្តែដោយមានចិត្តអាណិតក៏បានឱ្យនាងថែមចំនួន៤ពាន់រៀលទៀត ។
បុរសរូបនេះនិយាយទៀតថា បន្ទាប់ពីចប់ការងារអស់ហើយ គាត់ក៏ជិះម៉ូតូចេញទៅចាក់សាំង ស្រាប់តែឃើញលុយនៅក្នុងកាបូបសល់តែ៣ម៉ឺនរៀល ទើបដឹងថាបាត់លុយអស់៨ម៉ឺនរៀល ព្រោះលុយនៅក្នុងកាបូបរបស់គាត់មានជាង១០ម៉ឺនរៀល ក៏បានជិះម៉ូតូទៅសួរនាំស្ត្រីម៉ាស្សាខាងលើវិញ ។ ប៉ុន្តែស្ត្រីម៉ាស្សានោះបានប្រកែកថាមិនបានយកលុយទេ គាត់ក៏ទៅប្តឹងនគរបាលប៉ុស្តិ៍ចោមចៅ៣ ប៉ុន្តែសមត្ថកិច្ចសួរនាំដឹងថាមិនមែនជាទឹកដីរបស់ខ្លួនក៏បានប្រាប់ឱ្យទៅប្តឹងនៅប៉ុស្តិ៍នគរបាលសំរោងក្រោមវិញ ។
ពេលទៅដល់ប៉ុស្តិ៍នគរបាលសំរោងក្រោមសួរនាំដឹងថា ផ្ទះម៉ាស្សាកោសជប់ខាងលើនេះកាលពីជាងមួយខែមុន បានលួចលុយភ្ញៀវចំនួន៤៥០ដុល្លារម្តងហើយ ត្រូវជនរងគ្រោះប្តឹងលុះសមត្ថកិច្ចចុះទៅជួយអន្តរា គមន៍ ខាងផ្ទះម៉ាស្សានោះបានសងវិញចំនួន៣៥០ដុល្លារ ។លុះពេលនេះ មានបាត់លុយអស់៨ម៉ឺនរៀល ទៀតនៅផ្ទះម៉ាស្សាកោសជប់ដដែល ហើយសមត្ថកិច្ចក៏បានជូនបុរសខាងលើទៅសួរនាំ ។ មុនដំបូង ស្ត្រីម៉ាស្សារូបនេះប្រកែកថាអត់បានយកទេ តែចុងក្រោយបានយល់ព្រមសងលុយចំនួន៨ម៉ឺនរៀលវិញដើម្បីបញ្ចប់រឿង ៕
ចែករំលែកព័តមាននេះ