ខេត្តស្វាយរៀង ៖ បុរសម្នាក់មនុស្សស្រវឹងខួប ពេលផឹកស្រវឹងនឹកឃើញតែរឿងចងកសម្លាប់ខ្លួន ដែlកន្លងមកអ្នកភូមិតែងបាននិយាយថា ជនរងគ្រោះបានព្យាយាមសម្លាប់ខ្លួនឯង២ដងមកហើយ តែត្រូវបងប្អូន ក៏ដូចជាអ្នកភូមិជួយទាន់ពេលវេលា តែដល់លើកទី៣នេះ ក៏ស្លាប់បានដូចបំណង…
ខេត្តស្វាយរៀង ៖ បុរសម្នាក់មនុស្សស្រវឹងខួប ពេលផឹកស្រវឹងនឹកឃើញតែរឿងចងកសម្លាប់ខ្លួន ដែlកន្លងមកអ្នកភូមិតែងបាននិយាយថា ជនរងគ្រោះបានព្យាយាមសម្លាប់ខ្លួនឯង២ដងមកហើយ តែត្រូវបងប្អូន ក៏ដូចជាអ្នកភូមិជួយទាន់ពេលវេលា តែដល់លើកទី៣នេះ ក៏ស្លាប់បានដូចបំណង បានបង្កជាការភ្ញាក់ផ្អើលដល់អ្នកភូមិមកចោមរោមមើល និងរាយការណ៍ជូនសមត្ថកិច្ចឲ្យចុះពិនិត្យមើល។ ករណីនេះ បានកើតឡើងកាលពីវេលាម៉ោង១២ និង៤៥នាទី ថ្ងៃអង្គារ ១កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៥ ខែឧសភា ឆ្នាំ២០១៨ ស្ថិតក្នុងភូមិថ្នល់កែង ឃុំកណ្តៀងរាយ ស្រុកស្វាយទាប ខេត្តស្វាយរៀង។
បើតាមក្រុមគ្រួសារសាច់ញាតិបានឲ្យដឹងថា បុរសរងគ្រោះមានឈ្មោះ ជា ហន អាយុ៣០ឆ្នាំ មុខរបរជាងសំណង់ ជាបុរសពោះម៉ាយគ្មានកូននោះទេ ហើយរូបគេតែងតែ ស្រវឹងខួប និងរវើរវាយដែលគេសង្ស័យថា ផឹករហូតទៅជាកើតជំងឺសរសៃប្រសាទថែមទៀតផង។ ប្រភពព័ត៌មានបន្ថែមថា នេះជាលើកទី៣ហើយ ដែលបុរសរងគ្រោះខាងលើប៉ុនប៉ងធ្វើអត្តឃាត ដោយលើកទី១ ប៉ុនប៉ងចងក តែមិនបានសម្រេច។ លើកទី២ រូបគេបានព្យាយាមរត់ចូលឡាន និងយកខ្សែគោចងក នៅតែមិនបានសម្រេច ហើយលើកទី៣នេះ នៅវេលាកើតហេតុខាងលើ ជនរងគ្រោះបានយកខ្សែអង្រឹងចងកលើដើមឈើខាងក្រោយផ្ទះបណ្តាលឲ្យស្លាប់តែម្តង។
សូមបញ្ជាក់ផងដែរថា បុរសរងគ្រោះខាងលើតែងព្យាយាមសម្លាប់ខ្លួន ដោយរវើរវាយថា មានគេមកយក និងមានគេយកកាំបិតដេញកាប់។ ក្រោយពីទទួលបានព័ត៌មានភ្លាម សមត្ថកិច្ចមូលដ្ឋានក៏បានចុះទៅ ពិនិត្យ និងធ្វើកោសល្យវិច្ច័យ ដោយពុំឃើញមានស្លាកស្នាមអ្វីគួរឲ្យសង្ស័យ រួចបានប្រគល់សាកសពឲ្យទៅក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ