ប្រទេសចិន ៖ តាមប្រភពព័ត៌មាន Metro បានឲ្យដឹងថា ក្រុមគ្រួសារមួយនៅប្រទេសចិនមានការភ្ញាក់ផ្អើលយ៉ាងខ្លាំងនៅពេលដែលសត្វចិញ្ចឹមរបស់ខ្លួនដែលធ្លាប់គិតថាជាឆ្កែនៅឆ្នាំ២០១៦ បែរក្លាយទៅជាខ្លាឃ្មុំដ៏កម្រមួយទៅវិញនៅឆ្នាំ២០១៨ ។ ម្ចាស់ឈ្មោះ Su…
ប្រទេសចិន ៖ តាមប្រភពព័ត៌មាន Metro បានឲ្យដឹងថា ក្រុមគ្រួសារមួយនៅប្រទេសចិនមានការភ្ញាក់ផ្អើលយ៉ាងខ្លាំងនៅពេលដែលសត្វចិញ្ចឹមរបស់ខ្លួនដែលធ្លាប់គិតថាជាឆ្កែនៅឆ្នាំ២០១៦ បែរក្លាយទៅជាខ្លាឃ្មុំដ៏កម្រមួយទៅវិញនៅឆ្នាំ២០១៨ ។
ម្ចាស់ឈ្មោះ Su Yun ដែលមកពី Kunming ក្នុងខេត្ត Yunnan បានបង្ហើបថា នាងគិតស្មានតែវាជាសត្វឆ្កែទើបយកវាមកចិញ្ចឹម តែនៅពេលចិញ្ចឹមកាន់តែយូរៗទៅ វាកាន់តែដូចទៅនឹងសត្វខ្លាឃ្មុំទៅវិញ ។ វាស្រាប់តែចេះដើរជើងពីរខុសពីសត្វឆ្កែ ។
លើសពីនេះទៅទៀតនាងមានការភ្ញាក់ផ្អើលនៅពេលដែលវាស៊ីច្រើនលើសពីការគិត ។ នៅពេលនេះវាមានទម្ងន់១១៤គីឡូក្រាម ហើយក្លាយទៅជាខ្លាឃ្មុំពេញលក្ខណៈ ។ វាជាប្រភេទខ្លាឃ្មុំ Asiatic Black Bear ដែលជាពពួកខ្លាឃ្មុំជិតផុតពូជ ។ គេប្រាប់ថា វាអាចនឹងលក់បានរាប់ពាន់ដុល្លារនៅក្នុងទីផ្សារងងឹត ។ នៅពេលនេះសត្វខ្លាឃ្មុំនេះត្រូវបានគេយកទៅមជ្ឈមណ្ឌលជួយសង្គ្រោះសត្វព្រៃ Yunnan ហើយ ៕
ចែករំលែកព័តមាននេះ