ខេត្តព្រៃវែង ៖ ដូចពាក្យចាស់ថាមិនខុស “ដំរីជើងបួនគង់មានភ្លាត់ អ្នកប្រាជ្ញាចេះស្ទាត់គង់តែមានភ្លេច” មេជាងធ្វើផ្ទះម្នាក់បានស្លាប់ភ្លាមៗនៅនឹងកន្លែង បន្ទាប់ពីរូបគាត់បានឡើងព្រំដំបូល(ប្រក់)ផ្ទះ ឲ្យអ្នកភូមិជាមួយគ្នា ភ្លាត់ស្នៀតរអិលជើងធ្លាក់ពីលើដំបូលផ្ទះស្លាប់ភ្លាមៗ។ ករណីនេះបានបង្ករការភ្ញាក់ផ្អើលឡើងកាលពីនៅថ្ងៃចន្ទ…
ខេត្តព្រៃវែង ៖ ដូចពាក្យចាស់ថាមិនខុស “ដំរីជើងបួនគង់មានភ្លាត់ អ្នកប្រាជ្ញាចេះស្ទាត់គង់តែមានភ្លេច” មេជាងធ្វើផ្ទះម្នាក់បានស្លាប់ភ្លាមៗនៅនឹងកន្លែង បន្ទាប់ពីរូបគាត់បានឡើងព្រំដំបូល(ប្រក់)ផ្ទះ ឲ្យអ្នកភូមិជាមួយគ្នា ភ្លាត់ស្នៀតរអិលជើងធ្លាក់ពីលើដំបូលផ្ទះស្លាប់ភ្លាមៗ។ ករណីនេះបានបង្ករការភ្ញាក់ផ្អើលឡើងកាលពីនៅថ្ងៃចន្ទ ១៥រោច ខែពិសាខ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី១៤ ខែឧសភា ឆ្នាំ ២០១៨ វេលាម៉ោង ១៣ និង ១៥ នាទី នៅចំណុចភូមិក្រាំងចិន ឃុំក្រាំងតាយ៉ង ស្រុកពាមជរ ខេត្តព្រៃវែង។
បើតាមសមត្ថកិច្ចស្រុកពាមជរបានឱ្យដឹងថា ជនរងគ្រោះខាងលើមានឈ្មោះ អ៊ួន ស្រាន ភេទប្រុស អាយុ៥៣ឆ្នាំ មានទីលំនៅភូមិក្រាំងចិន ឃុំក្រាំងតាយ៉ង ស្រុកពាមជរ ខេត្តព្រៃវែង មុខរបរជាមេជាងធ្វើផ្ទះអោយគេ។ នៅមុនពេលកើតហេតុ ជនរងគ្រោះ បានទទួលធ្វើផ្ទះអោយឈ្មោះ ខាត់ អាន ភេទស្រី អាយុ៦៧ឆ្នាំ រស់នៅភូមិ ឃុំជាមួយគ្នា ហើយដោយគាត់ជាងមេជាងផងនោះ គាត់ក៏បានឡើងព្រំហ្នឹអីដំបូលផ្ទះខាងលើ រួចក៏រអិលជើងធ្លាក់មក បណ្ដាលឲ្យស្លាប់មួយរំពេច។
ក្រោយកើតហេតុ ម្ចាស់ផ្ទះបានរាយការណ៍ដល់សមត្ថកិច្ចជំនាញ ឲ្យធ្វើការពិនិត្យ និងធ្វើកោសល្យវិច្ច័យសាកសព ហើយសមត្ថកិច្ចបានសន្និដ្ឋានថា ជនរងគ្រោះពិតជារអិលជើងធ្លាក់ពីលើដំបូលផ្ទះស្លាប់ពិតប្រាកដមែន។ បច្ចុប្បន្នសមត្ថកិច្ចបានប្រគល់សាកសពជូនទៅក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ