ជំនួយអាមេរិកដល់កូរ៉េខាងជើងនឹងជាការលុបចោលទណ្ឌកម្ម
សហរដ្ឋអាមេរិក និងកូរ៉េខាងជើង ៖ រដ្ឋមន្ត្រីការបរទេសអាមេរិក លោក MIKE POMPEO ថ្លែងកាលពីថ្ងៃទី១៣ ឧសភាថា សហរដ្ឋអាមេរិក…
សហរដ្ឋអាមេរិក និងកូរ៉េខាងជើង ៖ រដ្ឋមន្ត្រីការបរទេសអាមេរិក លោក MIKE POMPEO ថ្លែងកាលពីថ្ងៃទី១៣ ឧសភាថា សហរដ្ឋអាមេរិក…
សហរដ្ឋអាមេរិក និងកូរ៉េខាងជើង ៖ រដ្ឋមន្ត្រីការបរទេសអាមេរិក លោក MIKE POMPEO ថ្លែងកាលពីថ្ងៃទី១៣ ឧសភាថា សហរដ្ឋអាមេរិក នឹងត្រៀមលុបចោលបណ្ដាទណ្ឌកម្មរបស់ខ្លួនប្រឆាំងកូរ៉េខាងជើង ប្រសិនបើប្រទេសនេះ យល់ព្រមបំផ្លាញចោលទាំងស្រុងកម្មវិធី អាវុធនុយក្លេអ៊ែររបស់ខ្លួន។
រដ្ឋមន្ត្រីការបរទេសអាមេរិកបន្តថា ការផ្ដួចផ្ដើមគំនិតបែបនេះ នឹងអាចឲ្យកូរ៉េខាងជើងស្គាល់ភាពរុងរឿងខាងសេដ្ឋកិច្ច ប្រៀបផ្ទឹមទៅនឹងភាពរុងរឿងរបស់កូរ៉េខាងត្បូង។ ថ្លែងទៅកាន់ទូរទស្សន៍ទាំងឡាយ លោក MIKE POMPEO បន្តថា សហរដ្ឋអាមេរិកនឹងពុំប្រមែប្រមូលប្រាក់សម្រាប់ការរួមចំណែករបស់ខ្លួន ដើម្បីជួយជាជាយថាហេតុដល់កូរ៉េខាងជើងឡើយ។ ផ្ទុយទៅវិញយើងត្រៀមលុបចោលបណ្ដាទណ្ឌកម្ម ដើម្បីឲ្យវិនិយោគឯកជនទាំងឡាយរបស់អាមេរិកហូរចូលមកក្នុងផ្នែកថាមពល កសិកម្ម និងបណ្ដាហេដ្ឋារចនាសម្ព័ន្ធរបស់កូរ៉េខាងជើង។
ប្រធានាធិបតីអាមេរិក លោកដូណាល់ ត្រាំ និងមេដឹកនាំកូរ៉េខាងជើងលោក គីម ជុងអ៊ុន ត្រូវជួបគ្នាកំពូលនាថ្ងៃទី១២ មិថុនា នៅសិង្ហបុរី។ លោក MIKE POMPEO និយាយថា អ្វីដែលលោក គីម ជុងអ៊ុន នឹងទទួលបានពីសហរដ្ឋអាមេរិក គឺមូលនិធិឯកជន។កូរ៉េខាងជើងមានការអស់សង្ឃឹមចំពោះការខ្វះខាតថាមពលសម្រាប់ប្រជាជនខ្លួន។ គេត្រូវការគ្រឿងឧបករណ៍ ព្រមទាំងបណ្ដាបច្ចេកវិទ្យាកសិកម្ម។ យើងនឹងអាចបង្កើតលក្ខខណ្ឌនានា សម្រាប់ភាពរុងរឿងខាងសេដ្ឋកិច្ចដោយពិតប្រាកដមួយ សម្រាប់ប្រជាជនកូរ៉េខាងជើងដែលនឹងអាចប្រៀបផ្ទឹមទៅនឹងភាពរុងរឿងខាងសេដ្ឋកិច្ច របស់កូរ៉េខាងត្បូង។នោះហើយនឹងជាការរួមចំណែករបស់អាមេរិក៕
ចែករំលែកព័តមាននេះ