ខេត្តមណ្ឌលគិរី ៖ ភ្លៀងធ្លាក់ជោគជាំខ្លាំងពេក បណ្តាលឲ្យរថយន្តមួយគ្រឿង ពណ៌ស ស្លាកលេខកំពង់ចាម មិនអាចគ្រប់គ្រង ចង្កូតបានក៏រេទៅបុករថយន្ត សេរីទំនើបមួយគ្រឿងធ្វើឲ្យខូចខាតយ៉ាងដំណំ ដែលករណី…
ខេត្តមណ្ឌលគិរី ៖ ភ្លៀងធ្លាក់ជោគជាំខ្លាំងពេក បណ្តាលឲ្យរថយន្តមួយគ្រឿង ពណ៌ស ស្លាកលេខកំពង់ចាម មិនអាចគ្រប់គ្រង ចង្កូតបានក៏រេទៅបុករថយន្ត សេរីទំនើបមួយគ្រឿងធ្វើឲ្យខូចខាតយ៉ាងដំណំ ដែលករណី នេះហេតុការណ៍បានកើតឡើង នៅម៉ោង៦និង២៥នាទីព្រលប់ ថ្ងៃទី១៣ ឧសភា ២០១៨ ចំណុចគីឡូម៉ែត្រ៧៨ ភូមិអូអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី តែមិនមានអ្នករងរបួសធ្ងន់នោះទេ ។
ប្រភពបានឲ្យដឹងថា មុនកើតហេតុ គឺមានភ្លៀងធ្លាក់ខ្លាំង បង្កឱ្យផ្លូវជាតិលេខ៧៦ ចំណុចដែលមន្ទីរសាធារណៈការជួសជុលផ្លូវ មានស្ថានភាពរអិលខ្លាំង ។ សាក្សីបន្តថា នៅម៉ោងកើតហេតុខាងលើក៏មានរថយន្តមួយគ្រឿង បោះពួយមកពីស្រុកអូរាំង បានបុកផ្ទប់និងរថយន្តមួយគ្រឿងទៀត ដែលបើកក្នុងទិសដៅបញ្ច្រាស់គ្នា លើចំណុចផ្លូវរអិលនេះតែម្តង ។
ប្រភពបានឱ្យដឹងថា រថយន្តបង្កផលិតឆ្នាំ១៩៩២ ពណ៌ស ពាក់ស្លាកលេខកំពង់ចាម២A-៣០២៤ បើកបរដោយបុរសម្នាក់ មិនស្គាល់អត្តសញ្ញាណ រងការខូចខាតផ្នែកខាងមុខទាំងស្រុង ។ ដោយឡែករថយន្តរងគ្រោះ ពណ៌សរដែរ ពាក់ស្លាកលេខ ភ្នំពេញ ២AI-៧៤៩១ បើកបរដោយឈ្មោះ ទន់ សាពោ ភេទប្រុស អាយុ៣៥ឆ្នាំ មានទីលំនៅឃុំដាក់ដាំ ស្រុកអូរាំង ។
ក្នុងហេតុការណ៍នេះដែរអ្នករួមដំណើរលើរថយន្តស្លាកលេខភ្នំពញ មានស្ត្រីម្នាក់ និងក្មេងស្រីវ័យ១២ឆ្នាំម្នាក់រងរបួសស្រាល ផងដែរ ៕
ចែករំលែកព័តមាននេះ